x

Улаанбаатарын IV бүсэд түүхий болон сайжруулсан нүүрс хэрэглэх ХОРИОТОЙ!

НИЙСЛЭЛИЙН ШИНЭЧИЛСЭН БҮСЧЛЭЛ:

Дүүрэг

Нэгдүгээр бүс /хороо/

Хоёрдугаар бүс /хороо/

Гуравдугаар бүс /хороо/

Дөрөвдүгээр бүс /хороо/

Сонгинохайрхан

21

1, 2, 3, 4, 5, 6, 7, 8, 9, 10, 11, 19, 20, 22, 23, 24, 25, 26, 27, 28, 30, 31, 32

 

12, 13, 14, 15, 16, 17, 18, 29

Баянзүрх

20

2, 4, 5, 8, 9, 10, 11, 12, 13, 14, 16, 17, 19, 21, 22, 23, 24, 27, 28

 

1, 3, 6, 7, 15, 18, 25, 26

Чингэлтэй

 

7, 8, 9, 10, 11, 12, 13, 14, 15, 16, 17, 18, 19

 

1, 2, 3, 4, 5, 6

Сүхбаатар

 

9, 10, 11, 12, 13, 14, 15, 16, 17, 18, 19, 20

 

1, 2, 3, 4, 5, 6, 7, 8

Баянгол

 

9, 10, 11, 20, 21, 22, 23

16

1, 2, 3, 4, 5, 6, 7, 8, 12, 13, 14, 15, 17, 18, 19

Хан-Уул

12,13,14

4, 5, 6, 7, 8, 9, 10, 11, 16

 

1, 2, 3, 15

Хороодын тоо

5

82

1

49

Нийслэлийн зургаан дүүрэгт түүхий нүүрс хэрэглэхийг бүсчлэн хориглосон Засгийн газрын тогтоол 2019 оны тавдугаар сарын 15-ны өдрөөс хэрэгжиж эхэлсэн билээ.

 

Үүнтэй холбоотойгоор нийслэлийн удирдлагууд нэмж зарим дүрэм журмыг гаргасаар байна. Тухайлбал иргэн бүр өөрийн амьдарч буй бүсчлэлээс хамаарч түүхий нүүрс, сайжруулсан түлш хэрэглэж болох эсэхийг шинэ журмаар шийдэхээр болсон.

ШАХМАЛ ТҮЛШ ХУДАЛДАЖ АВАХ "САЙН" КАРТЫГ ЕСДҮГЭЭР САРЫН 1-НЭЭС ХОРООДООР ОЛГОНО

Энэ тухай Нийслэлийн Агаар, орчны бохирдлын асуудал хариуцсан төслүүдийн удирдагч Д.Мөнхжаргалаас тодрууллаа.

-Нийслэлийн агаарын чанарыг сайжруулах бүсийг дөрөв хуваажээ. Гэхдээ яг аль бүсэд нүүрсний хэрэглээг бүрэн хориглоод байгаа вэ?

 -Нийслэлийн агаарын чанарыг сайжруулах бүсийг жил бүр шинэчлэн тогтоож, бүсэд мөрдөх журмыг батлах тухай Агаарын тухай хуулийн 15.1 дэх заалт болон Засгийн газрын 62 дугаар тогтоолыг үндэслэн Агаарын чанарыг сайжруулах бүсийг шинэчлэн батлаж, дөрөв хуваасан байгаа.

Нэгдүгээр бүсэд амьдарч буй иргэн, аж ахуйн нэгж нь түүхий нүүрс хэрэглэхийг зөвшөөрсөн.

Үүнд Баянзүх дүүргийн 20 дугаар хороо, Сонгино хайрхан дүүргийн 21 дүгээр хороо Хан-Уул дүүргийн 12,13,14 дүгээр хороо багтаж байна.

Харин хоёр болон гуравдугаар бүсэд зөвхөн сайжруулсан түлш хэрэглэх буюу цахилгаан, дулаанаар халаалтаа шийдвэрлэнэ.

Үүнд нийслэлийн төвийн зургаан дүүргийн бүх гэр хорооллын айл өрх, аж ахуйн нэгжүүд хамаарна.

Агаарын чанарыг сайжруулах дөрөвдүгээр бүсэд хотын төв болон орон сууцны хорооллууд багтаж байна.

IV бүсэд түүхий болон шахмал түлшний алийг ч хэрэглэж болохгүй. Өөрөөр хэлбэл огт яндан байлгахгүй байхаар журамласан.

Дөрөвдүгээр бүсэд нийслэлийн зургаан дүүргийн нийт 49 хороо багтаж байна. 

-Засгийн газрын тогтоолд яагаад заавал дээрх таван хороонд түүхий нүүрс түлэхийг зөвшөөрсөн гэж та харж байна вэ. Энэ тал дээр дэлгэрэнгүй мэдээлэл өгөхгүй юу? 

-Агаарын чанарыг сайжруулах бүсийг тухайн агаарын бохирдол үүсгэж байгаа хүхэрлэг хий, азотын давхар исэл, нүүрстөрөгчийн дутуу исэл, Pm 2.5, РМ 10 гэх мэт элементүүд стандартад зөвшөөрөгдсөн хэмжээнээс хэд дахин илүү байгаагаар нь тодорхойлж бүсүүдийг тогтоодог.

Тухайлбал, хоёр, гуравдугаар бүсэд байгаа нийт 83 хороонд нарийн ширхэгт тоосонцор PM 2.5 стандарт хэмжээнээс 5-8 дахин их байна. Харин түүхий нүүрс түлж болох нэгдүгээр бүсэд багтсан таван хороо нь агаарын чанарын эрсдэл багаас гадна хотын төвөөс алслагдмал гэдэг утгаараа зөвшөөрөгдөж байгаа юм.

Гэхдээ хотын төвөөс хол гээд шууд л түүхий нүүрс нээлттэй хэрэглэж болно гэсэн үг биш бөгөөд холбогдох байгууллагуудын хяналт дор, тодорхой зөвшөөрөлтэйгөөр хэрэглэнэ.

-Тэгвэл гуравдугаар бүсэд яагаад ганцхан хороог оруулах болсон юм бэ?

-Гуравдугаар бүсэд ганцаараа багтсан Баянгол дүүргийг 16 дугаар хорооны айлуудыг энгийн үгээр хэлбэл зөвхөн Гандангийн гэр хороололд байрлаж буй айлууд байгаа юм.

Энэ хэсгийн айлууд хоёрдугаар бүстэй адил зөвхөн сайжруулсан түлш хэрэглэх ч гэсэн Баруун дөрвөн зам, Гандан орчим нь нийслэл хотын төв хэсэгт багтдаг төдийгүй төв зам дагуу байрладаг. Тиймээс зөвхөн энэ хэсгийг тусад нь авч үзээд байгаа юм. 

-Та сая хоёрдугаар бүсэд эрчим хүч үйлдвэрлэх тусгай зөвшөөрөлтэй аж ахуйн нэгжүүд түүхий нүүрс хэрэглэж болно гэлээ. Түүнд яг ямар ААН-г хамруулж үзэх байгаа юм бол ?

-Эрчим хүч үйлдвэрлэх тусгай зөвшөөрөлтэй ААН-үүдэд, зөвхөн 100-с дээш квт хүчин чадалтайгаар үйл ажиллагаагаа явуулж буй 15 ААН-ийн 156 халаалтын зуух багтаж байгаа. 

Ирэх сарын 15-наас Улаанбаатар хотын хэмжээнд нийт 540 цэгээр шахмал түлшийг борлуулж эхэлнэ

-Наймдугаар сарын сүүлчээр цас орж, хүйтэрнэ гэсэн. Тэгэхээр иргэд маань хүйтрэхээс өмнө сайжруулсан түлшээ хаанаас яаж худалдаж авах вэ?

-Одоогоор сайжруулсан шахмал түлшний 170 мянга тонн орчим нөөц бий.

Энэ бол нийслэлийн 200 мянган өрхийн хоёр сарын хэрэглээний нөөц гэж тооцоолж байна. Бид ирэх сарын 15-наас Улаанбаатар хотын хэмжээнд нийт 540 цэгээр шахмал түлшийг борлуулж эхэлнэ.

Одоогоор 230 гаруй борлуулагч нартайгаа гэрээ хийчихсэн түгээлт, хүргэлтийн ажлыг явуулж байна. График төлөвлөгөний дагуу бид 90 орчим цэгүүдэд шахмал түлшээ хүргэсэн.

Мөн сайжруулсан шахмал түлшний хэрэглээ ба борлуулалт нэлээд сайн хяналтын тогтолцоотой байхаар журамд заасан бөгөөд шахмал түлш борлуулах тодорхой нэг л тогтсон үнээр борлуулагдана.

Ингэхдээ Засгийн газрын тогтоолд зааснаар түүхий нүүрсний үнээс хэтрүүлэхгүй.

 -Айл, өрхүүд шахмал түлшийг хэр хэмжээгээр худалдаж авах боломжтой вэ? Зарим айл өвөл хэрэглэх нүүрсээ нэг мөсөн авдаг тохиолдол анзааграгддаг.

-Бид шахмал түлш худалдан авах "Сайн" картыг есдүгээр сарын 1-нээс эхлэн хороодоор дамжуулан олгоно.

Тус картаар нэг өрхөд гурван тонн шахмал түлш хэрэглэнэ гэсэн квотыг тогтоосон.

Шахмал түлшний үйлдвэр маань анхны жилдээ ажиллаж байгаа учраас үйлдвэрлэлийнхээ хүчин чадалтай уялдуулан есдүгээр сарын 15 гэхэд иргэд болгон нэг тонныг авч болохоор картны лимитийг тавьж өгнө.

Гэхдээ шахмал түлш үйлдвэрлэж буй Таван толгой түлш ХХК нь сард 80-100 мянган тонн шахмал түлшийг үйлдвэрлэх хүчин чадалтай учраас ирэх сарын 20-н гэхэд дахиад 100 мянган тонн үйлдвэрлэгдэнэ гэсэн үг.

Тиймээс нөөцийн асуудалд санаа зовниж нэг дор тийм ихээр нь авах шаардлагагүй болов уу.

-Түүхий нүүрсийг хориглосонтой холбоотой журам, хуулийг биелүүлэхэд иргэдийн зүгээс анхаарах ёстой зүйл нь юу вэ?

-Бид бүгд л утаагүй эрүүл орчинд амьдрахыг хүсэж байгаа. Бид маш олон жил түүхий нүүрсийг хэрэглээд сураад дасчихсан.

Энэ жил анх удаа сайжруулсан шахмал түлшийг хэрэглэж эхлэх учраас хэрэглэж, суртлаа хүндрэл бэрхшээлүүд гарахыг үгүйсгэхгүй. 

Сайжруулсан шахмал түлшний түүхий эд бол эх орны маань баялаг Өмнөговийн Ухаа худгаас ирж буй хамгийн сайн чанарын илчлэгтэй, угаасан нүүрс шүү дээ.

Нөгөө талаар мэргэжлийн байгууллагууд оролцсон ажлын хэсэг байгуулагдан галлагааны зааварчилгаа, зөвлөмжийг боловсруулан ажиллаж байна.

Улаанбаатар хотын агаарын бохирдлыг бууруулахад иргэн бүр оролцож, өөрийн хувь нэмрийг оруулж байж бид үр дүнд хүрэх боломжтой юм. Хамгийн гол нь иргэдийн маань өвлийн бэлтгэл ажлаа сайн хийж, гэр байшингаа маш сайн дулаалах хэрэгтэй гэв.

Түүхий нүүрс хэрэглэхийг зөвшөөрөгдсөн нэгдүгээр бүсэд Баянзүрх дүүргийн 20 дугаар хороо буюу Гачуурт тосгон, Сонгинохайрхан дүүргийн 21 дүгээр хороо буюу Жаргалант тосгон, Хан-Уул дүүргийн 12,13,14 дүгээр хороо буюу Био комбинат, Шувуун фабрик, Өлзийт хороолол багтжээ.

ikon.mn

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (4)

  • ЭСЭРГҮҮЦЭЖ БАЙНА. (202.21.124.133)
    Ээ хуцна биз.. Та нар наад новшийн сайжруулсан нүүрс гэх хогийн зүйлээ өөрөө түлж үзээд хэр хуран удаан шатаж байгааг нт харсан уу . Дандаа заваан юм хийж ард иргэдийг хүндрүүлнэ. Наад новш чинь гэр орон дулаацуулдаггүй хурдан шатдаг гэхдээ гйүцэт биш Пишин дотор хог их болдог юм . Матруудаа!!!! Новшинй юм зохион байгуулчихаад тэриыгээ утааны эсрэг гэх хуцах юм май шүү. Дээрээс айл болгон тенээр халаад байхаар агаар хуурайшаад уушиг муддаг юм мэдэв үү. Цахилгааны өртөгөө буруулна гэж хуцна. Та нар бүг дэндүү бна
    2019 оны 08 сарын 21 | Хариулах
    • uh
      olon um dongosdog shes bee amid uldmer bvl amaa tat
      2019 оны 08 сарын 21
    • teneg
      yu gd bgn be humuus ulsa hugjuuleh gj hecheech bain bitgii yu hiih baij olon yum solior
      2019 оны 08 сарын 21
    • chi uuru bitgii solior
      chi yu mmdeggin be
      2019 оны 08 сарын 21
iШинэ мэдээ
Г.Уранцэцэг: Ходоодоо олон дурандуулах нь эрүүл мэндэд муу байдаг гэсэн дам ярианд итгэх хэрэггүй 2 цаг 55 мин БНСУ-аас Монгол Улсад суух шинэ Элчин сайдыг томиллоо 3 цаг 17 мин "Либертари нам" бүртгүүлэх хүсэлтээ дөрөв дэх удаа УДШ-д хүргүүллээ 3 цаг 39 мин Ууланд алхах, хээрийн бүсэд аялал зугаалгаар явахдаа татсан тамхи, асаасан чүдэнзээ унтрааж байхыг зөвлөж байна 4 цаг 5 мин Дөрөвдүгээр сард цахилгаан тоноглолд засвар хийх ХУВААРЬ 4 цаг 35 мин Малын хорогдол 5.9 саяд хүрлээ 4 цаг 55 мин Гадаад харилцааны сайд Б.Батцэцэг доктор Хью Парсонс-ыг хүлээн авч уулзав 5 цаг 30 мин Ирэх өдрүүдэд нутгийн зүүн хэсгээр салхитай хүйтэн байна 5 цаг 56 мин Элрэн баларч буй Л.Оюун-Эрдэнийн цаг хугацаа 11 цаг 1 мин “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүлэв 12 цаг 35 мин Монгол Улсын Засгийн газар, НҮБ-ын хамтарсан удирдах хорооны хуралдаан боллоо 13 цаг 0 мин Шар усны үерийн аюулаас урьдчилан сэргийлнэ үү! 13 цаг 18 мин П.Сайнзориг: Шинэ Зуунмод дагуул хотыг байгуулснаар Улаанбаатарын төвлөрөл, түгжрэл бүрэн шийдэгдэхгүй 13 цаг 36 мин Өнөөдөр нутгийн зүүн хэсгээр салхитай хүйтэн байна 13 цаг 54 мин ЗГХЭГ-ын даргын хэлсэн ДОЛООН ХУДАЛ Өчигдөр 19 цаг 54 мин НҮБ: Тогтвортой хөгжлийг хангах, эрүүл мэндийг дэмжихэд 11.3 сая ам.доллар зарцуулжээ Өчигдөр 19 цаг 44 мин ЕБС-ийн сургалтын агуулгад амьтны хүрээлэн, музейн хөтөлбөрүүдийг оруулж байна Өчигдөр 18 цаг 41 мин Ашигт малтмалын тусгай зөвшөөрлөөр 66.1 тэрбум төгрөг төвлөрүүлжээ Өчигдөр 18 цаг 24 мин "Титаник” киноны Рөүзийн амийг аварсан тавцанг дуудлагаар худалджээ Өчигдөр 18 цаг 24 мин Хотын төвийн зогсоолуудад 47,400 автомашин бүтэн өдрөөр байршдаг Өчигдөр 18 цаг 16 мин
iИх уншсан
Найруулагч П.Лхагвадулам: Сэтгэлээс гардаггүй тийм л мэдрэмж... Чингэлэг чингэлгээр зөөсөн нүүрсний мөнгийг Сү.Батболдын "бо... ОРОС дахь АЛЛАГА Н.Учрал гишүүний эргэн ирэлт ба Эмийн жорын “цахимжилт” 10 хүн угаартаж нас барсан хэргийн мөрөөр... Авилгатай тэмцэх биш, тэмцдэг тогтолцоогоо нураасан найман ж... “Улаанбаатар-2024 гэрэл зургийн өдрүүд” нэгдсэн үзэсгэлэн зо... Ж.Бат-Эрдэнэ: Төмөр зам яагаад гацсан үнэнийг одоо хэлье С.Наранцогт: Ураны төсөл зогсоогүй, ажлууд хийгдэж байгаа Ардчилал бол эзлэх ёстой өндөрлөг биш, явах ёстой зам юм Буриад Монголын зарим түүх Олон Улсын Найрамдал цогцолборт Хүүхдийн хөгжлийг дэмжих тан... Элрэн баларч буй Л.Оюун-Эрдэнийн цаг хугацаа ЗГХЭГ-ын даргын хэлсэн ДОЛООН ХУДАЛ Дөрөвдүгээр сард ихэнх нутгаар салхи шуургатай, хүйтэн байх ... Батсүмбэр сумын 100 жилийн ойн барилдаанд улсын заан Б.Серик... Маргаашнаас баруун, зүүн аймгуудад цасан шуурга шуурна Москвад болсон зэвсэгт халдлагын хариуцлагыг "Исламын улс" б... Японд болсон газар хөдлөлтөөс хүчтэй хөдлөлт манай оронд дөр... Монгол Улсын Ерөнхийлөгч У.Хүрэлсүх ОХУ-ын Ерөнхийлөгч В.Пут...
Top