Өчигдөр Говь ХК-ид осол гарч, хүний амь энджээ. Энэ талаар тус ХК-ийн Хөдөлмөрийн эрүүл мэнд, аюулгүй байдал, Байгаль орчны хэлтсийн дарга А.Цэрэнтогтох "Ажил үүргээ гүйцэтгэж байсан үйлдвэрийн ажилтан маань харамсалтайгаар эндэж, эрдэнэт хүний амь эрсэдсэн хүнд гарз тохиолоо. Компанийн зүгээс ар гэрийнхэнээс уучлалт хүсч, гүн эмгэнэл илэрхийлж байна" гэв.
Осол гарсан өдөр буюу өчигдөр Цагдаагийн байгууллага, Онцгой байдлын ерөнхий газраас ослын газрын үзлэг, шалгалт хийсэн ба хуулийн байгууллага шалтгааныг тогтоож, дүгнэлт гаргасны дараа мэдээллийг өгнө гэлээ.
Говь ХК-ийн хувьд 2800 гаруй ажилтантай. Хөдөлмөр хамгаалалыг сайтар сахиж, ажилчдын эрүүл мэнд, аюулгүй байдлыг анхаарч ажилладаг боловч гэнэтийн харамсалтай тохиолдлоор хүний амь эрсэдсэн тул цаашид улам анхаарч ажиллах болно гэв.
Сэтгэгдэл (3)