Харин “Монголиан эйрвэйс карго” ХХК-ийн гүйцэтгэх захирал Т.Чулуунхүүгээс тодруулбал, “Манай улс хоёр хөрш рүүгээ олон давтамжтай нислэг үйлдэх онцгой эрхтэй ч энэ боломжоо өнөөдрийг хүртэл бүрэн дүүрэн ашиглаж чадаагүй юм. Одоо Монгол Улс өөрийн гэсэн ачаа тээврийн онгоцтой болсноор ОХУ, БНХАУ руу нисэх давтамжаа нэмэх боломжтой болно" гэлээ.

Тэрээр, манай улс одоо Дундаж Азийн орнуудаас эх орондоо эко жимс болон бусад шуурхай болон онцгой захиалгат бараа, ачаа тээврийг богино хугацаанд тээвэрлэн гүйцэтгэнэ. Мөн гадаад орнууд руу мах, махан бүтэгдэхүүн, ноос, ноолуур болон газрын ховор металл зэрэг экспортын голлох бараа, бүтээгдэхүүнийг тээвэрлэхээс гадна уул уурхайн тоног, төхөөрөмж, овор ихтэй бараа, онцгой ачааг тээх боломжтой болж байна. Энэхүү онгоц 20 мянган тонн ачаатай 5250 км агаарын замыг зогсолтгүй туулах чадвартай бөгөөд Москва, Бээжин, Токио, Шанхай, Гуанжоу, Хөх хот, Сеүл, Хонгконг, Эрхүү, Улаан-Үд хот руу нислэг үйлдэнэ” гэлээ.

“Монголиан эйрвэйс карго” ХХК хамгийн гол нь Монголд ачаа тээрийн ложистик төвийг нээж, агаарын ачаа тээврийн терминалыг удахгүй ашиглалтад оруулах аж. Олон улсын буухай шуудан болон агаарын тээврийн иж бүрэн ложистик төвтэй болж, энэ талын үйлчилгээг олон улсын түвшинд үзүүлэх бидний гол зорилго гэдгийг “Монголиан эйрвэйс карго” ХХК-ийн ТУЗ-ийн дарга, “Туушин” компанийн захирал Н.Зоригт хэлсэн юм. “Туушин” компани “Монголиан эйрвэйс карго” ХХК-ийг байгуулан ийнхүү анхны ачаа тээврийн онгоцыг оруулж ирж байгаа бөгөөд ирэх сард ачаа тээврийн хоёр дахь онгоцоо хүлээн авах юм байна.

“Монголиан эйрвэйс карго” ХХК энэхүү ачаа тээврийн онгоцоороо энхий ээлжинд БНХАУ-ын Бээжин, Хөх хот, Хонг-Конг, БНСУ-ын Сөүл хот гэсэн чиглэлүүд тээвэрлэлт хийхээр төлөвлөжээ.