НҮБ-ын тусгай илтгэгч Мишель Форст хүний эрхийг хамгаалах маршийн талаар туршлага судлахыг хүсэв

2019/05/10

Нийслэлийн Хот байгуулалтын асуудал хариуцсан төслүүдийн удирдагч О.Мөнгөншагай өнөөдөр НҮБ-ын Тусгай илтгэгч, ноён Мишель Форстыг хүлээн авч уулзан, хүний эрхийг хамгаалагчдын асуудлаар мэдээлэл солилцлоо.

Тусгай илтгэгч Мишель Форст нь тавдугаар сарын 11-13-ны хооронд Монгол Улс дахь хүний эрхийг хамгаалагчдын нөхцөл байдалтай танилцаж, зөвлөмж гаргахаар ирсэн бөгөөд манайд ажилласан тухай тайлангаа 2020 оны гуравдугаар сард болох НҮБ-ын Хүний эрхийн зөвлөлийн ээлжит 43 дугаар чуулганд танилцуулах аж.

Уулзалтын эхэнд тэрбээр Европын олон оронд уламжлал болсон Хүний эрхийг хамгаалах маршийг Улаанбаатар хотод зохион байгуулдаг, эсэх талаар болон иргэдийн жагсаал цуглаан хийх асуудлыг хэрхэн хүлээж авдаг тухай нийслэлийн Хот байгуулалтын асуудал хариуцсан төслүүдийн удирдагч О.Мөнгөншагайгаас тодруулж асуулаа. Мөн гэр хорооллын дахин төлөвлөлтийн хүрээнд орон сууцжуулах төсөл хөтөлбөр хэрэгжүүлэхэд нүүлгэн шилжүүлэх үеэр эрх нь зөрчигдөж, хохирч болзошгүй иргэдийг хэрхэн хамгаалдаг талаар хотын удирдлагаас сонирхож, мэдээлэл авсан юм.

Нийслэлийн хот байгуулалтын асуудал хариуцсан төслүүдийн удирдагч О.Мөнгөншагай “Манай улсын ард иргэд эрх чөлөөний мэдрэмж сайтай хүмүүс гэж би хувьдаа боддог. Эвлэлдэн нэгдэж чаддаг, үзэл бодлоо чөлөөтэй илэрхийлдэг. Иргэдийн жагсаал цуглаан хийх эрх нээлттэй байдаг. Холбогдох дүрэм, журмаа л мөрдөөд, харьяа дүүргийнхээ Цагдаагийн газарт урьдчилж мэдэгдэн Засаг даргаасаа зөвшөөрөл авдаг.

Дэд бүтэцтэй холбоотой асуудлын тухайд гэвэл иргэдийн эзэмшил газрыг зах зээлийн ханшаар худалдаж авах байдлаар тохиролцдог. Газрыг эзэмшиж байгаа тохиолдолд суурь үнээр нь худалдаж авдаг гэх мэт зохицуулалт бий. Харин хүний эрхийг хамгаалах чиглэлээр төр, засгаас гаргасан бодлоготой уялдуулан төсөл хөтөлбөрүүд хэрэгжүүлдэг. Цаашид энэ чиглэлээрх олон улсын бодлого, хэрэгжүүлж байгаа төсөл хөтөлбөрүүдийг судлаад хамтарч ажиллахад бэлэн байна” хэмээн сонирхсон асуултад нь хариуллаа.

Уулзалтын төгсгөлд Тусгай илтгэгч Мишель Форст НҮБ-ын Хүний эрхийн зөвлөлийн ээлжит 43 дугаар чуулганд танилцуулах тайланд маш хэрэгтэй мэдээлэл өгсөнд талархаад, Европын орнуудад хэрэгжүүлдэг Хүүхдүүдийн уур амьсгалын марш, Хүний эрхийг хамгаалах маршийн талаарх мэдээ материалаа манай руу хүргүүлж туршлага судлахыг хүслээ.

Нийслэлийн ЗДТГ-ын Хэвлэл мэдээлэлтэй харилцах хэлтэс

iСанал болгох

Төмөр замын хүртээмж хангалтгүй, метро, цахилгаан тээврийн системгүй учраас

Наймдугаар сард цаг агаар ямар байх вэ?

Дуулиант санхүүчийн найз байсан Белорусь бүсгүй түүний саяуудыг өвлөн авна

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

iРедакцийн сонголт

Кристофер Ноланы трауматай Одиссей

iШинэ мэдээ

Эрүүл мэндийн салбарын хүний нөөцийг чадавхжуулах чиглэлээр хамтын ажиллагааг өргөжүүлнэ 18 цаг 7 мин С.Зоригийн хөшөөг хулгайлсан уу, хулгайд алдсан уу? 18 цаг 12 мин “Бүү бас” аяны хүрээнд сэрэмжлүүлэх самбар байршуулжээ 18 цаг 17 мин COP17 хурлыг зохион байгуулах үндэсний хорооны ээлжит хурал болж байна 18 цаг 22 мин МАА-н үйлдвэрлэлийн бүтээмж, өрсөлдөх чадварыг нэмэхэд хамтын ажиллагааг өргөжүүлэх талаар санал солилцлоо 18 цаг 40 мин Хувийн хэвшилтэй хамтран тоног төхөөрөмжөө шинэчилдэг болохыг зорьж байна гэв 18 цаг 50 мин П.Санчес: Сеута хотод дайран нэвтэрсэн нь Испани руу халдсан хэрэг мөн 19 цаг 3 мин Арилжааны төслөө зогсоож байгаагаа Ж.Инфантино мэдэгдэв 19 цаг 10 мин Д.Ганхуяг: Нийлүүлэгч нь нэг орны, нэг компани байх ямар эрсдэлтэйг 13 жилийн өмнө бодитоор мэдэрсэн 20 цаг 7 мин Голуудын усны түвшин өмнөх өдрөөс 10-60 см нэмэгджээ 20 цаг 17 мин СОР17-г зохион байгуулах барилга угсралтын ажлыг ирэх долоо хоногт хүлээлгэж өгнө 20 цаг 29 мин Броуд-Пик ууланд осолдсон дөрвөн уулчны цогцсыг олжээ 20 цаг 40 мин Төв болон зүүн аймгийн нутгаар дуу цахилгаантай аадар орно 21 цаг 33 мин Ойрх Дорнодын хурцадмал байдал газрын тосны зах зээлд нөлөөлсөөр байна Уржигдар 17 цаг 22 мин The HU хамтлаг Их Британид аялан тоглоно Уржигдар 17 цаг 18 мин Европын Холбоо хиймэл оюуны 7 гигафабрик барихаар төлөвлөжээ Уржигдар 17 цаг 14 мин Б.Пүрэвдагва: Энэ жил найман уурын зуухыг хийн түлшинд шилжүүлэхээр ажиллаж байна Уржигдар 17 цаг 09 мин Чингэлтэй дүүрэгт 640 хүүхдийн суудалтай сургууль ашиглалтад орно Уржигдар 16 цаг 48 мин НИТХ-ын ээлжит VIII хуралдааныг наймдугаар сарын 6-ны өдөр товлов Уржигдар 16 цаг 40 мин Улаанбаатарт шөнөдөө 16 хэм дулаан Уржигдар 16 цаг 11 мин

iИх уншсан

Арилжааны төслөө зогсоож байгаагаа Ж.Инфантино мэдэгдэв АНУ, Иран харилцан цохилтоо түр зогсоов Путины дэглэм бодитоор ганхаж эхлэв Венесуэл: “Хорт могой”-ноос ангижирахуй В.Зеленский Их Британийн шинэ Ерөнхий сайд Э.Бёрнэмын анхны ... Лу.Гантөмөр: Төмөр замын хүртээмж хангалтгүй, метро, цахилга... Д.Ганхуяг: Нийлүүлэгч нь нэг орны, нэг компани байх ямар эрс... Кристофер Ноланы трауматай Одиссей Хиймэл оюуныг хамгийн сонирхолтойгоор дүрсэлсэн кино, цуврал... П.Наранбаяр: Хүүхдүүдийн 78 хувь нь нийгмийн сүлжээнээс сөрө... Саудын Арабын Хаант Улсын Байгаль орчин, ус, хөдөө аж ахуйн ... Дуулиант санхүүчийн найз байсан Белорусь бүсгүй түүний саяуу... С.Рушдигийн аминд халдсан Хади Матарыг бүх насаар нь хорино БНХАУ-аас 6000 тонн АИ-92, АИ-95 автобензин нийлүүлэхээр тох... Ж.Баярмаа: Намрын гол эрсдэл шатахуун, эрчим хүчний тасалдал... П.Санчес: Сеута хотод дайран нэвтэрсэн нь Испани руу халдсан... Б.Пүрэвдагва: Энэ жил найман уурын зуухыг хийн түлшинд шилжү... Иргэн Г.Мөнхзул: Цахилгаан, дулааны төлбөрөө төлөхдөө сэтгэл... Хиймэл оюунд хөрөнгө оруулагчдын эргэлзээ болгоомжлол нэмэгд... Пашинян Армены экспортод тавьсан ОХУ-ын хязгаарлалтыг эргэн ...