Чингэлтэй дүүргийн Эрүүгийн хэргийн анхан шатны шүүхээс Ерөнхий сайд асан С.Баярыг нэг сарын хугацаатай цагдан хорих шийдвэр гаргалаа.
АТГ-аас түүнийг "Оюутолгой төслийн хүрээнд Монгол Улсын Засгийн газар, “Айвенхоу Майнз Монголия Инк” ХХК, “Айвенхоу Майнз Лимитед”, “Рио Тинто Интернэшнл Холдингс Лимитед” компанийн хооронд 2009 оны 10 дугаар сарын 6-ны өдөр байгуулсан хөрөнгө оруулалтын гэрээ, хувь нийлүүлэгчдийн гэрээг байгуулахдаа албан тушаалын байдлаа урвуулан ашиглаж, илт хууль бус шийдвэр гаргаж, бусдад давуу байдал бий болгон улсад хохирол учруулсан байж болзошгүй" хэмээн сэжиглэж,яллагдагчаар татсан байна.
Энэ сарын 10-ны өдөр хорих 461-р ангид баривчлан суутаалаад байсан С.Баярыг цагдан хорих хугацааг шүүхийн шийдвэрээр 30 хоног сунгажээ.
