Аянга цахилгаантай аадар бороо орж болзошгүй байгаа учраас Вашингтоны төвд зохион байгуулахаар төлөвлөсөн АНУ-ын Тусгаар тогтнолын 250 жилийн ойн баярын үйл ажиллагааг түр хойшлуулсан байна. AFP агентлагийн мэдээнд дурдсанаар, Ерөнхийлөгч Д.Трамп үг хэлэхээс хэдхэн цагийн өмнө хотын захиргаанаас баярын арга хэмжээнүүдийг цуцалжээ.
Д.Трамп Truth Social нийгмийн сүлжээний хуудсандаа бичихдээ “Бямба гаригийн үдэш боллоо! Оройтох болсон хэдий ч хамтдаа хөгжилдье” гэсэн байна. Мөн +46 хэм хүртэл халсан тул хотын захиргаанаас тусгаар тогтнолын ойд зориулсан цэргийн парадыг хойшлуулжээ.
Баярт оролцохоор ирсэн хүмүүсийг Үндэсний өргөн чөлөөг орхин гарч, ойролцоох музейнүүд, төрийн байгууллагуудын байранд орж, аадар борооноос түр хоргодохыг зохион байгуулагчид уриаллаа. Гэвч зарим хүмүүс Д.Трампыг харахын тулд талбайгаас явахаас татгалзсан тул цагдаа нар тэднийг хүчээр өргөн чөлөөнөөс гаргажээ.
