Өчигдөр Лондон хотын “Хитроу” нисэх онгоцны буудлын орчимд үд дундын үед +35 хэм хүрч халсан нь тавдугаар сарын хувьд түүхэнд тэмдэглэгдээгүй үзэгдэл боллоо.
“Цаг уурын ажиглалтын түүхэн дэх тавдугаар сарын хамгийн халуун өдөр тохиолоо. Өмнөх өдөр нь +32,8 °C-д хүрсэн бол өнөөдөр бүхэл бүтэн хоёр градусаар нэмж халлаа” гэж Их Британийн цаг уурын алба мэдээлжээ.
Даваа гарагт Лондон хотын баруун өмнөдөд орших Кью-Гарденс дүүрэгт агаарын хэм +34,8°C-д хүрсэн нь 1922 ба 1944 онуудын тавдугаар сарын үзүүлэлтүүдээс 2°C-ээр давлаа. Мөн өнгөрсөн шөнө нь ажиглалтын түүхэн дэх хамгийн дулаахан шөнө гэж бүртгэгджээ. Лондоны өмнөд хэсэгт +21,3°C байсан бол Баруун Йоркширийн Эмли тосгонд +20,9°C байжээ.
Англи болон Уэльсийн нутгийн ихэнх хэсэгт дунд зэргийн халалт болох тухай анхааруулгыг өгөөд байгаа бол харин Англи болон Шотландын хойд хэсэгт агаарын хэм +20°C орчимд байна.
Хэт халалт үргэлжилж байгаа үед ч гэсэн далай тэнгисийн усны хэм хүйтэн хэвээр байдаг тул хүмүүс “хүйтэн усны шооконд” орж, усанд сэлэх, уснаас гарахад хүндрэлтэй болдог байна. Үүний улмаас Йоркшир, Уоркшир мужуудад өсвөр насны гурван хүүхэд живж нас барсны дараа Эзэн хааны аврах албанаас аюулгүй байдлын дүрэм журмыг мөрдөн сахихыг уриалжээ.
