Авлигын хэд хэд дуулиан дэгдсэний дараа Бямба гарагт Мадрид хотноо хэдэн арван мянган хүн жагсаж, авлигын цуврал дуулиан дэгдсэний дараа Ерөнхий сайд Педро Санчесийг огцрохыг шаарджээ.Албаны хүмүүсийн мэдээлснээр, энэ үеэр жагсагчид, цагдаа нарын хооронд мөргөлдөөн болж, наад зах нь долоон цагдаа бэртэж гэмтсэн байна.
Жагсаал ерөнхийдөө тайван явагдсан хэдий ч жагсагчдын зарим нь Ерөнхий сайд П.Санчесийн өргөөний гаднах хамгаалалтын хаалтыг сэтлэн дотогш нэвтрэхийг оролджээ.
Испанийн Иргэний нийгмийн холбооноос зохион байгуулсан “Нэр төрийн жагсаал”-д оролцогчид алтлаг болон улаан өнгө хосолсон үндэсний олон далбаа мандуулж, “Социалист мафи огцор” зэрэг үгтэй уриа лоозон барьсан байлаа.
Зохион байгуулагчдын мэдэгдсэнээр, уг жагсаалд 80 мянган хүн оролцсон байна.
