РОМ, 2026 оны тавдугаар сарын 20 /Reuters/
Энэтхэгийн Ерөнхий сайд Нарендра Модигийн Итали улсад хийх айлчлалын үеэр талууд дипломат болон худалдааны харилцаагаа бэхжүүлэх, хамтын ажиллагаагаа “стратегийн онцгой түншлэл”-ийн түвшинд хүргэхийг зорьж байгаа тухай Италийн Засгийн газрын төлөөлөгч мягмар гарагт мэдэгджээ.
Геополитикийн нөхцөл байдал өөрчлөгдөж буй энэ үед Итали улс Европын бусад орны нэгэн адилаар Энэтхэгийг чухал холбоотон хэмээн үзэх болсон байна.
Хоёр улсын удирдагчид түншлэлийг бэхжүүлэх тухай хамтарсан тунхаглал батлах бөгөөд уг баримт бичигт Засгийн газрын тэргүүн нарын дээд хэмжээний уулзалтыг жил бүр зохион байгуулах, мөн 2029 он гэхэд хоёр талын худалдааны эргэлтийг 20 тэрбум еврод (23.2 тэрбум ам.доллар) хүргэх зорилтыг тусгасан байна.
Түүнчлэн Италийн Ерөнхий сайд Жоржиа Мелони, Энэтхэгийн Ерөнхий сайд Н.Моди нар Ойрх Дорнод, Украин дахь нөхцөл байдал, Энэтхэг-Номхон далайн бүс нутгийн аюулгүй байдал зэрэг олон улсын тулгамдсан асуудлуудыг хэлэлцэх ажээ.
