АНУ-ын Ерөнхийлөгч Дональд Трампын БНХАУ-д хийсэн айлчлал өндөрлөж, Америкийн удирдагч Вашингтон руу буцаж байгаа тухай CNN суваг мэдээлжээ.
Нисэх зурваст болсон үдэх ёслолын дараа Трамп улаан хивсэн дээгүүр алхан Ерөнхийлөгчийн онгоцонд сууж, Бээжингийн "Шоуду" олон улсын нисэх онгоцны буудлаас хөөрсөн байна.
Айлчлалаа өндөрлүүлэхээсээ өмнө тэрбээр БНХАУ-ын удирдагч Ши Жиньпинтэй Бээжин хотын Жуньнаньхай цогцолборт уулзсан юм. Уг цогцолборт хоёр удирдагч ажил хэргийн өглөөний цай ууж, цайны ёслолд оролцсоноос гадна сэтгүүлчидтэй уулзаж мэдээлэл өгчээ.
Д.Трамп Ши Жиньпинийг Вашингтонд хариу айлчлал хийхийг хүлээж байгаагаа мэдэгдсэн бөгөөд уг айлчлал 9 дүгээр сарын 24-нд товлогдсон байна.
Тэрбээр мөн Хятадад хийсэн айлчлалынхаа явцад Вашингтон, Бээжин худалдааны хэд хэдэн чухал гэрээ байгуулж чадсаныг дурджээ. Талууд мөн Ормузын хоолойн асуудлыг хэлэлцэж, Иран улс "цөмийн зэвсэгтэй болох ёсгүй" гэдэгтэй санал нэгджээ.
Эх сурвалж: CNN
Сэтгэгдэл (1)