АНУ-ын Ерөнхийлөгч Д.Трамп Ираны талаар сүрдүүлсэн үг хэлсний дараа нефтийн үнэ багагүй хэмжээгээр өслөө. Тухайлбал, 6 дугаар сард нийлүүлэх Брент маркийн нэг баррель газрын тосны үнэ лхагва гарагт 7.1 хувиар өсөж, 119.19 долларт хүрчээ. Мөн хэсэгхэн хугацаанд 119.76 долларт хүрсэн байна.
Орос-Украины дайн дэгдсэн эхний саруудад нефтийн үнэ ийм түвшинд хүртэл өсөж байсан юм.
Мөн Америкийн WTI маркийн газрын тосны үнэ 7.6 хувиар өсөж, 107 доллароос давсан байна.
Д.Трамп хэлэхдээ “цөмийн хөтөлбөрийн асуудлаар Ирантай гэрээ байгуулж чадахгүй тохиолдолд Ормузын хоолойг нээхгүй” гэжээ. The Wall Street Journal сонинд бичсэнээр, уг хоолойг хэдэн сарын турш хааж магадгүй байна. Америкийн албаны хүмүүсийн ярьсныг эш татан тус сонинд бичсэнээр бол, Ираныг удаан хугацаанд бүслэн хаах төлөвлөгөөг бэлтгэхийг Д.Трамп туслахууддаа үүрэг болгосон байна. Саяхан тэрбээр Ойрх Дорнодын байдлыг хэлэлцэх үеэрээ Ираны эдийн засагт үзүүлэх дарамт шахалтыг үргэлжлүүлэх, тус улсын боомтуудаас хөлөг онгоцууд гарч явах, ирэхэд нь саад учруулах байдлаар газрын тосны экспортыг нь зогсоох нь зүйтэй гэж үзжээ.
“Ираныг бөмбөгдөх эсвэл зэвсэгт мөргөлдөөнөөс гарах нь илүү эрсдэлтэй Трамп үзэж байна” гэж WSJ сонинд бичсэн байна.
Эх сурвалж: DW
