Энэ оны нэгдүгээр улиралд Өмнөд Солонгосын К-поп цомгийн экспорт 120 сая ам.доллар болж, түүхэн дээд үзүүлэлтэд хүрсэн тухай тус улсын Гаалийн ерөнхий газраас мягмар гарагт мэдээлжээ.

Энэ оны нэгээс гуравдугаар сарын хооронд К-поп цомгийн гадаад борлуулалт өмнөх оны мөн үеийнхээс 159 хувиар өссөн байна. Ингэснээр улирлын экспортын хэмжээ анх удаа 100 сая ам.долларын босгыг давсан байна.

2025 оны гуравдугаар улирлаас хойш улирал бүр экспортын хэмжээ тасралтгүй шинэ дээд амжилт тогтоожээ. К-попын шүтэн бишрэгчдийн тоо дэлхий даяар нэмэгдсэн нь, мөн стримингээс залхсан хэрэглэгчдийн дунд биет цомгийн эрэлт нэмэгдэж байгаа нь экспортын хэмжээ өсөхөд голлон нөлөөлжээ.

Зах зээлийн үзүүлэлтээр АНУ нийт экспортын 28 хувийг эзэлснээр хамгийн том импортлогч болсноор өнгөрсөн оныг хүртэл тэргүүлж байсан Японыг гүйцэж түрүүлсэн байна.

Түүнчлэн Европын Холбоо 16.5 хувь, БНХАУ 14.4 хувь, Тайвань 6.9 хувийг тус тус эзэлж байгааг сүүлийн үеийн судалгаа харууллаа.

Энэ оны эхний улиралд К-поп цомог импортолсон 131 орноос 94-т нь улирлын хамгийн өндөр үзүүлэлт бүртгэгдсэн нь өсөлт цөөн хэдэн зах зээлд төвлөрөх бус, өргөн хүрээг хамарч байгааг илтгэж байна гэж Өмнөд Солонгосын Гаалийн газраас мэдээлжээ.

Эх сурвалж: Kyodo