БНХАУ-ын удирдагч Ши Жиньпин Тайванийн сөрөг хүчний томоохон нам болох Гоминьданы даргыг ирэх сард Хятадад айлчлахыг урьсан тухай Синьхуа агентлаг мэдээлжээ.
Өчигдөр нийтлэгдсэн мэдээлэлд дурдсанаар, Гоминьдан намын дарга Жэн Ливэнь дөрөвдүгээр сарын 7-12-ны өдрүүдэд Хятадад айлчлах урилга хүлээн авсан байна.
Жэн урилгыг хүлээн авсан гэдгийг Гоминьдан намаас мэдэгджээ. Тэрбээр Хятадад айлчлах үеэрээ Ши Жиньпинтэй хэлэлцээ хийх төлөвтэй байна.
Тайванийн хэвлэл мэдээллийн хэрэгслүүдээр мэдээлснээр, Гоминьдан намын одоогийн удирдагч 2016 оноос хойш Хятадад анх удаа айлчилна.
Гоминьдан намын удирдагчийг урьснаар Хятад улс Лай Чиндэ тэргүүтэй Тайванийн засаг захиргааг хязгаарлахыг зорьж байгаа бололтой гэж ажиглагчид үзэж байна.
Хятадын эрх баригчид Лайгийн удирдсан Ардчилсан дэвшилтэт намыг тусгаар тогтнолыг дэмжигч гэж үздэг бол Гоминьдан намыг Бээжинтэй эвлэрэх байр суурь баримталдаг гэж дүгнэдэг.
Эх сурвалж: NHK
