Хэрэв цахилгаан станцууд руу нь довтолбол бүс нутгийн эрчим хүч, газрын тосны дэд бүтцэд хариу цохилт өгнө гэж Ираны парламентын дарга Мохаммад-Багер Галибаф мэдэгджээ.

“Бүс нутгийн чухал дэд бүтцийг, мөн эрчим хүч, газрын тосны дэд бүтцийг хууль ёсны бай гэж үзэх болно. Тэдгээрийг эргэлт буцалтгүйгээр устгах болно, ингэснээр нефтийн үнэ удаан хугацаагаар үргэлжлэн өссөөр байх болно” гэж Галибаф гуравдугаар сарын 22-ны ням гарагт X платформд бичжээ.

АНУ-ын Ерөнхийлөгч Дональд Трамп өмнө нь 48 цагийн дотор Ормузын хоолойг нээхийг Иранаас шаардсан бөгөөд эс тэгвээс тус улсын эрчим хүчний объектуудыг устгана гэж сүрдүүлсний дараа дээрх мэдэгдлийг хийсэн байна.

Ираны Зэвсэгт хүчний төв штаб болох “Хатам-аль-Анбия”-гаас Ормузын хоолойг бүрэн хаана гэж Трампын тулган шаардалтын хариуд мөн мэдэгджээ. “Хэрэв АНУ Ираны цахилгаан станцууд руу довтолбол Ормузын хоолойг бүрэн хаах бөгөөд эвдэрсэн цахилгаан станцуудыг сэргээн засах хүртэл нээхгүй” гэж Ираны цэргийнхний мэдэгдэлд дурдсан байна. Уг мэдэгдлийг төрийн мэдлийн телевизээр дамжуулжээ. 

Эх сурвалж: DW