АНУ-ын засаг захиргаа Хятад, Европын Холбоо болон өөр 14 орныг “үйлдвэрлэлийн илүүдэл хүчин чадал бий болгосон, Америкийн үйлдвэрлэгчдийг ялгаварлан гадуурхсан” гэж сэжиглэн шалгах ажиллагаа явуулж эхэлжээ.
“Өнөөдөр АНУ-ын худалдааны төлөөлөгч Жеймисон Грир хэд хэдэн орны үйлдвэрлэлийн салбар дахь бүтцийн илүүдэл хүчин чадал, үйлдвэрлэлтэй холбоотой бодлого, үйл ажиллагаанд шалгалт эхлүүллээ. Шалгалтын явцад эдгээр үйл ажиллагаа нь үндэслэлгүй эсвэл ялгаварласан эсэхийг тодорхойлно, мөн АНУ-ын худалдааг хязгаарлаж эсвэл дарамт учруулж байгаа эсэхийг тогтооно” гэж АНУ-ын худалдааны төлөөлөгчийн газраас гаргасан мэдэгдэлд дурдсан байна.
Хятад, Европын Холбооноос гадна, Сингапур, Швейцар, Норвег, Индонез, Малайз, Камбож, Тайланд, Өмнөд Солонгос, Вьетнам, Тайвань, Бангладеш, Мексик, Япон, Энэтхэг зэрэг орнуудын эсрэг шалгах ажиллагаа явуулж эхэлснийг уг мэдэгдэлд мөн дурджээ.
Эх сурвалж: RIA Novosti
