Германы засгийн газар тус улсын газрын тосны нөөцийг ашиглаж эхлэхэд бэлэн байна. Эл асуудлыг G7-гийн орнуудын Сангийн сайд нар утсаар ярилцах үедээ хэлэлцсэн тухай Германы Сангийн сайд Ларс Клингбайл мэдэгджээ.

Ийм шийдвэр гаргах цаг хугацаа хараахан болоогүй байна, гэхдээ нөхцөл байдал өөрчлөгдөж магадгүйг сайд анхааруулсан байна.

Тэрбээр цааш нь хэлэхдээ, Их7-гийн орнуудын хувьд нефтийн нөөцөө хэрэглэх эсэх тал дээр хоорондоо сайтар зөвшилцсөн бөгөөд одоо энэ асуудлыг засгийн газрын тэргүүн нар болон Эрчим хүчний сайд нар хэлэлцээд яг хэдийд нөөцийг ашиглах нь зохимжтой болохыг шийднэ гэлээ.

Дэлхийн 32 улсыг эгнээндээ нэгтгэдэг Европын Холбоо, Олон улсын эрчим хүчний агентлагийн /ОУЭХА/ зүгээс дор хаяж 90 хоногийн импортыг орлох хэмжээний газрын тосны нөөцтэй байхыг гишүүн орнуудаас шаарддаг байна. Тухайлбал, 2025 оны 11 дүгээр сарын байдлаар, Герман улс 34,42 сая тоннын нөөцтэй байжээ.

ОУЭХА 1974 онд байгуулагдсанаас хойших хугацаанд нефтийн нөөцөө ашиглахыг ердөө 5 удаа зөвшөөрсөн байна.Тодруулбал, 1991 оны Персийн булангийн II дайны өмнө, 2005 онд болсон хүчтэй хар шуурганы дараа, 2011 онд дэгдсэн Ливийн иргэний дайны үеэр, Оросын арми 2022 онд Украинд халдан довтолсноос хоёр удаа тус тус зөвшөөрчээ.

Нефтийн үнэ 100 доллароос даваад байгаа энэ үед үндэсний газрын тосны нөөцийг хэрэглэж эхэлснээр дэлхийн зах зээл дэх үнийн өсөлтийг зогсоох боломжтой.

Эх сурвалж: DW