Улс төр, эдийн засгийн хувьд хамгийн нөлөө бүхий Европын гурван улс болох Герман Франц Их Британийн /E3 бүлэг/ удирдагчид Ираны тал хариу цохилтууд өгч байгаатай холбогдуулан зохих хариу арга арга хэмжээг авахад бэлэн байгаа гэдгээ мэдэгдлээ. Уг хариу арга хэмжээ нь Ираны цэргийн чадавхыг сулруулах зорилготой ажээ.
“Бид улс орнуудынхаа болон бүс нутаг дахь холбоотнуудынхаа ашиг сонирхлыг хамгаалахад шаардлагатай арга хэмжээг авна” гэж мэдэгдэлд дурдаад "энэхүү арга хэмжээ нь Ираны пуужингийн болон нисгэгчгүй онгоцуудын довтолгоог таслан зогсооход чиглэнэ" гэдгийг онцолжээ.
Бямба гарагт эхлүүлсэн АНУ, Израилын цохилтын хариуд Ираны тал АНУ-ын цэргийн баазууд байрладаг хөрш орнуудад, мөн Израилд өргөн хүрээтэй цохилт өгсөн юм. Европын удирдагчид энэ цохилтыг бодлогогүй, тэнцвэргүй гэж тодорхойлоод анхнаасаа цэргийн ажиллагаанд оролцоогүй Ойрх Дорнодын орнуудад цохилт өгсөнд гайхаж цочирдсон гэж мэдэгджээ.
Ираны цохилтууд нь Е3-ынн ойрын холбоотон орнууды эсрэг чиглэсэн байсан бөгөөд бүс нутагт байрлаж буй цэргийн албан хаагчид, энгийн иргэдэд аюул учруулж байгааг хамтарсан мэдэгдэлд онцолжээ. Герман, Франц, Их Британийн удирдагчид цэргийн албан хаагчид, энгийн иргэдийг хамгаалах арга хэмжээг АНУ болон бүс нутгийн холбоотнуудтай хэлэлцэнэ гэдгээ мэдэгдсэн байна.
Үүний зэрэгцээ Их Британийн Ерөнхий сайд Кир Стармер АНУ-ын хүсэлтийн дагуу Ираны пуужингийн объектуудад цохилт өгөхөд Британийн цэргийн баазуудыг ашиглахыг зөвшөөрсөн гэж мэдэгджээ. Гэхдээ тэрбээр Иран руу довтлох ажиллагаанд Их Британи оролцохгүй гэдгийг онцолсон байна.
Эх сурвалж: Azertag
