Өсвөр насныхан амиа хорлох, өөртөө гэмтэл учруулахтай холбоотой үг хэллэгийг олон давтамжтай хайсан тохиолдолд асран хамгаалагчдад анхааруулга илгээх шинэ функцийг Instagram-д нэвтрүүлж байгаагаа тус платформын толгой компани Meta мэдэгджээ.

Шинэ функцыг Instagram-ийн эцэг эхийн хяналтын хөтөлбөрт оролцсон гэр бүлүүдэд хамаарах бөгөөд АНУ, Их Британи, Австрали, Канадын эцэг эхчүүд ирэх долоо хоногоос мэдэгдэл хүлээж авч эхлэх бол бусад бүс нутагт энэ оны сүүлчээр үе шаттайгаар нэвтрүүлэхээр төлөвлөжээ.

Meta-гийн мэдэгдсэнээр, эдгээр мэдэгдэл нь өсвөр насны хэрэглэгч богино хугацаанд аюултай үгсийг олон дахин хайсан тохиолдолд эцэг эхчүүдэд нь мэдээлэх зориулалттай ажээ. Instagram-д ийм хайлтыг хааж, хэрэглэгчдийг сэтгэл зүйн дэмжлэгийн үйлчилгээ, тусламжийн утас руу чиглүүлдэг байна.

Анхааруулгыг эцэг эхчүүдийн өгсөн холбоо барих мэдээллээс шалтгаалан цахим шуудан, цахим зурвас, WhatsApp-аар илгээхээс гадна тэдний Instagram хаягаар дамжуулан хүргэх аж. Ийм мэдэгдэл хүлээн авсан эцэг эхчүүд хүүхэдтэйгээ хэрхэн зөв ярилцах талаар мэргэжилтнүүдийн зөвлөмжийг мөн авна. 

Эх сурвалж: Kazinform