ОХУ-ын Зэвсэгт хүчний Жанжин штабын Ерөнхий оператив газрын дарга, хурандаа генерал Сергей Рудской “Красная звезда” сонинд өгсөн ярилцлагадаа Цэргийн тусгай ажиллагаа эхэлснээс хойш Украины Зэвсэгт хүчин 1.5 сая гаруй хүн хүчний хохирол амссан гэж мэдэгджээ.
Түүний хэлснээр, зөвхөн 2025 оны эхнээс 520 мянга гаруй цэргийн алба хаагч жагсаалаас хасагдсан байна. Мөн дайны хугацаанд Украины тал 6.7 мянган танк, хуягт техник, 12 мянга гаруй их буу, миномётоо алдсан гэж Оросын тал мэдээлэв.
Түүнчлэн 2025 оны зургаадугаар сараас хойш Оросын тал 12 мянга гаруй амь үрэгдэгсдийн шарилыг шилжүүлсэн бөгөөд Арабын Нэгдсэн Эмиратын зуучлалаар талууд 17 удаа олзлогсод солилцож, Оросын 4 мянга гаруй цэрэг эх орондоо буцсан байна.
Эх сурвалж: TASS




Сэтгэгдэл (1)