ОХУ-ын Гадаад хэргийн яамны Киевийн дэглэмийн гэмт хэргийн асуудал эрхэлсэн тусгай элч төлөөлөгч Родион Мирошник Украины зэвсэгт хүчний эгнээнд байлдаж буй гадаадын иргэдийн талаарх мэдээллийг олон нийтэд танилцууллаа. Тэрээр “РИА Новости” агентлагт өгсөн ярилцлагадаа, байлдааны ажиллагаа эхэлснээс хойш Украины талд нийтдээ 20 мянга орчим гадаадын хөлсний цэрэг тулалдаж, “махны машин” гэгдэх хүнд нөхцөл байдлыг туулсан хэмээн мэдэгдсэн байна.

Тусгай элч төлөөлөгчийн хэлж байгаагаар, бодит тоо үүнээс ч их байх магадлалтай аж. Учир нь Киев гадаадын дайчдын мэдээллийг нууцалж, олон улсын анхаарлаас хол байлгахыг эрмэлздэг байна. Мөн тэрээр өнгөрсөн оны 12 дугаар сард Украины тал гадаадын иргэдээс бүрдсэн дөрвөн легионыг албан ёсоор татан буулгаж, тэнд байсан хүмүүсийг бусад анги нэгтгэлүүд рүү шилжүүлэн “сэлбэх” замаар хүчээ зузаатгасан талаар дурджээ.

Родион Мирошник хоёрдугаар сарын 12-ны өдөр өгсөн мэдээлэлдээ хөлсний цэргүүдийн бүрэлдэхүүнийг нарийвчлан тайлбарласан байна. Түүний үзэж байгаагаар, хамгийн олон тооны хөлсний цэргийнхэн Латин Америкаас ирж байгаа бөгөөд тэдний нэлээдгүй хэсэг нь өмнө нь мансууруулах бодисын мафийн бүлэглэлд харьяалагдаж байсан, одоо Украины талбарт цэвэр мөнгө олох зорилгоор ирсэн хүмүүс байгаа аж. Латин америкчуудын дараагаар Польш болон Балтийн орнуудын иргэд тооны хувьд удаалж байгааг тэрээр онцлон тэмдэглэжээ.

Эх сурвалж: Известия