Гал морин жилийн босгон дээр өрнөж буй “Нээлттэй, цэгцтэй Ардчилсан Нам” аяны хүрээнд Монголын ардчилсан холбооо /МоАХ/, Ардчилсан социалист хөдөлгөөн /АСХ/, Шинэ дэвшилтэт холбоог үүсгэн байгуулсан АН-ын анхдагч гишүүдэд “Ардчиллын гэрэгэ” олгох хүндэтгэлийн арга хэмжээг зохион байгуулж байна.
МоАХ-ны гишүүдэд “Ардчиллын гэрэгэ”-г гардуулах ёслолын ажиллагаа өнөөдөр /2026.02.13/ болж, АН-ын дарга, УИХ дахь АН-ын бүлгийн дарга О.Цогтгэрэл оролцов.
О.Цогтгэрэл:
-“Ардчилсан Нам гурван өдөрт мартагдах зүйлийн төлөө бус гурван жилд үр дүн нь мэдэгдэх эрс шинэчлэлийн төлөө, 30 жилдээ сайшаагдах Монгол Улсын хөгжил дэвшлийн төлөө зорих ёстой.
Тиймээс бид нээлттэй, цэгцтэй нам болох үзэл санааны өөрчлөлт, шинэчлэлтийг хийнэ. “Ардчиллын гэрэгэ” бол Ардчилсан Нам үзэл санаагаа тодотгох, ардчилсан үзэл санааг дэмжигчдийг гэр бүлдээ нэгтгэх том үйл хэргийн эхлэл юм. Намын даргын хувьд би Ардчилсан Нам шинэчилсэн дүрмээ дагаж мөрддөг тогтолцоог бэхжүүлэхэд онцгойлон анхаарч ажиллана” гэв.
Хүндэтгэлийн арга хэмжээнд МоАХ-ны дарга Х.Баттулга, УИХ-ын дарга асан З.Энхболд, УИХ-ын гишүүн Ө.Шижир, Нийслэлийн АН-ын дарга Т.Батцогт, УИХ-ын гишүүн асан Ж.Батзандан нар оролцсон байна.
