Конгресс бямба гарагийн шөнө дунд хүртэл холбооны засгийн газрын зарим үйл ажиллагааны санхүүжилтийг хадгалах тохиролцоонд хүрч чадаагүйн улмаас АНУ-д засгийн газрын ажиллагаа дахин хэсэгчлэн зогслоо.

Сенат санхүүжилтийн багцыг 71 гишүүний саналаар дэмжиж, 29 нь эсэргүүцсэн ч төлөөлөгчдийн танхим шуурхай хуралдаж амжаагүй бөгөөд асуудлыг даваа гарагт хэлэлцэхээр болсон байна. Ингэснээр орон нутгийн цагаар 00:01 минутаас эхлэн шатдаун хүчин төгөлдөр болжээ.

Өмнө нь аравдугаар сарын 1-нд конгресс шинэ санхүүгийн жилийн төсвийг баталж чадаагүйгээс засгийн газрын үйл ажиллагаа зогсож, 43 хоног үргэлжилсэн шатдаун болсон юм. Уг шатдауныг ерөнхийлөгч 11-р сарын дундуур түр хугацааны санхүүжилтийн тухай хуульд гарын үсэг зурж зогсоож байсан бөгөөд энэ нь холбооны албан хаагчдын цалинг 2026 оны нэгдүгээр сарын 30 хүртэл олгох нөхцөлийг бүрдүүлжээ.

Энэ удаагийн шатдауны шалтгаан нь төрийн зардлын тухай хуулийн төслийн маргаан бөгөөд сенатын цөөнхийн лидер чак шумер ардчилагчид дотоод хэргийн яамны санхүүжилтийг дэмжихгүй гэдгээ мэдэгдсэн байна. Үүнд хууль бус цагаачлалтай холбоотой хүчний байгууллагын ажиллагааны үеэр гарсан амь насаа алдсан хэрэг, түүнтэй холбоотой олон нийтийн эсэргүүцэл нөлөөлсөн гэж үзэж байна.

Шатдауны үеэр батлан хамгаалах, эрүүл мэнд, сангийн яам, холбооны шүүхийн системийн алба хаагчид ажиллах боловч санхүүжилт сэргээгдэх хүртэл цалин авахгүй аж. Харин энэ удаагийн шатдаун намрынхаас богино хугацаанд үргэлжлэх төлөвтэй байна.

Эх сурвалж: officelife