Охидын багадаа мөрөөддөг гүнжийн дүр энэ хавар, зун, намарт загварын ертөнцөд дахин амь орж, «Аладдин» киноны Жасмин гүнжийн өмсдөг шаровар өмд хүчтэй эргэн ирлээ.
Дорнын өнгө аяс бүхий шаровар нь загварын тайзан дээр төдийгүй өдөр тутмын хувцаслалтад нэвтэрч, өргөн сонголттой хэлбэр, материал, чимэглэлээрээ онцлог болж байна. Энэ загварын өмд өнгөрсөн зууны тав, жараад онд Монголын өдөр тутмын хувцасны нэг байсныг санах хүмүүс олон. Тухайн үед хямд даалимбаар хийгдэж, бүсэнд нь нарийн резин хэрэглэдэг байсан бол өнөө үед торго, тансаг даавуу, өвөрмөц хээ угалз, орчин үеийн эсгүүрээр баяжижээ.
Түүхийн хувьд ч шаровар нь эмэгтэйчүүдийн эрх чөлөөний тэмцэлтэй холбоотой. Английн зохиолч, аялагч леди Мэри Монтегю анх Лондонд авчирч, өөрийн найз бүсгүйчүүдтэй хамт өмсөж эхэлснээр эмэгтэйчүүд эрчүүдийн хувцасны элементийг өмсөх эрхийн төлөөх тэмцэлд хувь нэмэр оруулж байв.
Өнөөдөр шаровар өмд зөвхөн загварын үзүүлбэрийн элемент биш, харин ч стрит-стайлын хүчтэй хэсэг болж, нас харгалзахгүйгээр дэгжин, тав тухтай хэв маягийг бүрдүүлэх боломжтой болжээ. Ирэх улиралд энэ загварын хувцас таны хувцасны шүүгээнд хамгийн онцлох байр суурийг эзлэх нь дамжиггүй.
Эх сурвалж: thegirl.ru, krasavica.info
