Японы “Nintendo” компани шинэ үеийн “Switch 2” консолоо өнгөрсөн долоо хоногийн лхагва гарагт худалдаанд гаргаснаас хойш ердөө дөрөвхөн хоногийн дотор 3.5 сая гаруй ширхэгийг борлуулж, тус компанийн түүхэн дэх хамгийн хурдан борлогдсон консолын амжилтыг тогтоолоо.
“Nintendo” компани энэ оны гуравдугаар сард дуусах санхүүгийн жилд нийт 15 сая ширхэг “Switch 2” борлуулахаар төлөвлөж буйгаа өнгөрсөн сард мэдэгдсэн бөгөөд шинэ төхөөрөмжийн эрэлт, анхны амжилтаас үзэхэд уг зорилт биелэх бүрэн боломжтой гэж үзэж байна.
“Nintendo”-гийн Америк дахь салбарын ерөнхийлөгч Даг Баузер “Дэлхий даяарх хэрэглэгчид ‘Switch 2’-ыг гэртээ ч, гадаа ч тоглох боломжтой шинэлэг төхөөрөмж хэмээн хүлээн авч байна” гэж мэдэгджээ.
Анхны “Switch” 2017 онд худалдаанд гарч, өнөөг хүртэл нийт 152 сая ширхэг борлогдоод байгаа бол шинэ хувилбар болох “Switch 2” нь илүү том дэлгэцтэй, сайжруулсан графиктай боловч анхны хувилбартай ижил бүтэц, хэлбэрийг хадгалсан гэдгээрээ онцлог болж байна.
Эх сурвалж: Reuters.com
