Цахилгааны хэт ачаалал, буруу угсралт болон ашиглалтын аюулгүй байдал хангагдаагүйгээс үүдэн гал түймэр гарах эрсдэл өндөр байдаг талаар Онцгой байдлын ерөнхий газраас анхаарууллаа.
Галын аюулаас сэргийлэх үүднээс иргэд, аж ахуйн нэгжүүд дараах зөвлөмжийг мөрдөхийг уриалж байна:
-
Цахилгааны угсралтыг зөвхөн мэргэжлийн байгууллагаар хийлгэх
-
Стандартын шаардлага хангасан кабель, утас, цахилгаан хэрэгсэл ашиглах
-
Шалбарсан, халалт үүссэн, хайлсан гэмтэлтэй цахилгаан хэрэгслийг хэрэглэхгүй байх
-
Олон цахилгаан хэрэгслийг нэг дор зэрэг залгаж, ачаалал үүсгэхээс зайлсхийх
Эдгээр энгийн зөвлөмжийг мөрдөх нь амь нас, эд хөрөнгөө хамгаалахад чухал ач холбогдолтойг мэргэжилтнүүд онцолж байна.
Эх сурвалж: ОБЕГ
