Хурдан шуурхай амьдралын хэв маягтай болсон өнөөгийн нийгэмд шатаар алхах нь илүүц хөдөлмөр мэт санагдаж болох ч энэ энгийн үйлдэл эрүүл мэнд болон тархинд гайхалтай үр нөлөө үзүүлдэг болохыг судалгаанууд баталж байна. Өдөр бүр цөөн хэдэн давхар шатаар алхах нь таны амьсгалын болон зүрх судасны тогтолцоог сайжруулахаас гадна сэтгэл санаа, ой тогтоолт, бүтээлч сэтгэлгээнд ч сайн нөлөө үзүүлдэг байна.
Шатаар алхах нь:
-
Зүрх судасны үйл ажиллагааг дэмжиж, зүрхний өвчний эрсдлийг бууруулдаг
-
Хөлийн булчин болон доод биеийн хүчийг сайжруулж, уналтаас сэргийлэх чадварыг нэмэгдүүлдэг
-
Бага хугацаанд хийж болох “сnack” дасгалын төрөлд багтдаг бөгөөд тоног төхөөрөмж шаардахгүй
-
Өдөрт 50 шатаар (5 давхар орчим) алхах нь судасны хана зузаарахаас сэргийлэхэд тустай
-
Унаган байдлаар шатаар алхах нь дасгалын үр дүнтэй хэлбэр бөгөөд гүйх, хурдан алхахаас илүү хүчилтөрөгчийн хэрэглээг нэмэгдүүлдэг
Судалгаагаар:
-
2 давхрын шат өгссөн оролцогчид илүү төвлөрсөн сэтгэлгээтэй, асуудлыг шийдэх чадвар нь дээшилсэн бол
-
Шатаар буух нь бүтээлч сэтгэлгээг өдөөж, 61 хувиар илүү өвөрмөц санаа төрүүлж байжээ
-
Тархи руу чиглэсэн цусны урсгал нэмэгдсэнээр анхаарал төвлөрөл, уян хатан сэтгэлгээ (switching) сайжирдаг
-
Хэрвээ сайн нойртой хослуулж чадвал шатаар алхах нь ой тогтоолтыг маргаашид ч хадгалах нөлөө үзүүлдэг
Хүний биеийн урт насалалтыг урьдчилан таамаглах нэг үзүүлэлт бол хөлийн булчингийн хүч чадал юм. Шатаар алхах нь гуяны булчингийн хэмжээг нэмэгдүүлдэг бөгөөд ялангуяа доош буух үед илүү их булчингийн ачаалал өгдөг. Энэ нь булчинг илүү хурдан гэмтээж, эдгэрэлтийн явцад илүү их калори шатаадаг онцлогтой.
Гэхдээ өвдөгний үений үрэвсэлтэй хүмүүст шат бэрхшээлтэй байж болзошгүй. Мөн зарим бүлэг (жишээлбэл, эмэгтэйчүүд, илүүдэл жинтэй хүмүүс) шатнаас илүү цахилгаан шат сонгох нь түгээмэл байдаг.
Гэсэн ч шатаар алхах нь олон хүний өдөр тутмын амьдралын салшгүй хэсэг байдаг тул багахан хөдөлгөөнийхөө ачаар эрүүл мэндээ дэмжих энгийн, хүртээмжтэй, зардалгүй, давуу талтай арга гэдгийг мартаж болохгүй.
Эх сурвалж: BBC.com
