Сердар Бердымухамедов нь 1981 оны есдүгээр сарын 22-нд Ашхабад хотод төрсөн бөгөөд 2022 онд Туркменистаны Ерөнхийлөгчөөр сонгогдон ажиллаж байна. Тэрбээр төрийн удирдлагыг залгамжлан авснаас хойш улс орны эдийн засаг, гадаад харилцаа, нийгмийн бодлогыг шинэ шатанд гаргах олон чиглэлд анхаарч иржээ.
Түүний улс төрийн замнал Туркменистаны Хүнсний аж үйлдвэрийн холбоонд мэргэжилтнээр ажилласнаас эхэлсэн бол цэргийн алба хаасны дараа дипломат албанд шилжин, ОХУ болон Женевт олон улсын харилцаа, аюулгүй байдлын чиглэлээр мэргэшиж, НҮБ болон Элчин сайдын яаманд зөвлөхөөр ажилласан байна. Үүний дараа нүүрс устөрөгчийн менежмент, барилгын үйлдвэрлэл, Гадаад харилцаа зэрэг салбарын удирдах албан тушаал хашиж, парламентын гишүүнээр сонгогдон, төрийн өндөр албан тушаалуудад шат дараалан дэвшин ажилласан юм.
2022 оны гуравдугаар сард ерөнхийлөгчөөр сонгогдсон тэрбээр эдийн засгийн тогтвортой өсөлт, бүс нутгийн хамтын ажиллагаа, төвийг сахих гадаад бодлогыг онцгойлон дэмжиж, улс орныхоо нэр хүндийг олон улсын тавцанд өсгөхөд анхаарч буй. Мөн уур амьсгалын өөрчлөлтийн эсрэг арга хэмжээ, хүлэмжийн хийг бууруулах, ногоон хөгжлийг дэмжих бодлогыг тууштай баримталж байна.
Түүний удирдлага дор нийгмийн хамгааллыг сайжруулах, олон хүүхэдтэй гэр бүлүүдийг орон сууцаар хангах, хүнсний аюулгүй байдлыг бэхжүүлэх зэрэг асуудалд онцгой анхаарал хандуулж байгаа бөгөөд энэ нь Туркменистаны дотоод бодлогын гол тулгуур болж байна.
2025 оны гадаад бодлогын тэргүүлэх чиглэлээ 2024 онд зарласан бөгөөд тэдгээрт:
-
Хөрш болон бүс нутгийн орнуудтай харилцаагаа бэхжүүлэх;
-
Өндөр технологи, хиймэл оюун ухаан, ногоон эрчим хүчийг хамарсан олон улсын түншлэлийг өргөжүүлэх;
-
Төвийг сахих байр суурь, энх тайвныг дэмжих бодлогоо бататгах зорилт багтсан байна.
Түүний оруулсан хувь нэмрийг үнэлж, 2023 оны есдүгээр сард төрийн хамгийн өндөр шагнал болох Туркменистаны баатар цолоор шагнасан билээ.
Эх сурвалж: Туркменистан Today, Central Asia News
