Их Британийн зах зээлд эрэлт нь хэт өндөр болсон тул Labubu нэртэй зөөлөн тоглоомын худалдааг түр хугацаагаар зогсоох шийдвэрийг үйлдвэрлэгч нь гаргалаа. Энэхүү шийдвэрийг Pop Mart UK компани зарлаж, дэлгүүрийн гадна үүсээд буй урт дараалал нь хэрэглэгчдийн аюулгүй байдал, тав тухыг алдагдуулах эрсдэлтэй болсныг онцолсон байна.
Pop Mart UK нь тус улсад нийт 16 салбар дэлгүүртэй бөгөөд одоогоор тоглоомыг зөвхөн онлайнаар худалдаалж буйгаа мэдэгджээ. Сүлжээгээр хуваалцсан зургууд болон бичлэгүүдэд Labubu тоглоомын төлөө хүмүүс олон цагаар дугаарлаж, Pop Mart дэлгүүрийн гадаа урт дараалал үүсгэсэн нь харагдаж байсан юм.
Labubu нь туулайн чихтэй, ярзгар шүдтэй жижиг тоглоом бөгөөд анх 2015 онд Гонконгийн зураач Кесин Лунгийн бүтээл болж төрсөн. Улмаар 2019 онд тэрбээр Хятадын Pop Mart компанитай гэрээ байгуулж, энэ тоглоомыг албан ёсоор үйлдвэрлэж эхэлсэн байна. Азийн орнуудаас эрчтэй алдаршсан Labubu одоо дэлхийн зах зээлд хүч түрэн орж ирж байгаа бөгөөд ялангуяа залуусын дунд цуглуулгын үнэт зүйл болон хувирчээ.
Эх сурвалж: Business Insider, officelife.media, Shutterstock
