Женев хотноо болж буй Дэлхийн эрүүл мэндийн ассамблейн 78 дугаар чуулганы үеэр Дэлхийн эрүүл мэндийн байгууллагын (ДЭМБ) гишүүн 124 улс цар тахалтай тэмцэх хэлэлцээрийн төслийг олонхийн саналаар дэмжжээ. Санал хураалтад оролцсон бүх улс дэмжсэн санал өгч, эсэргүүцэл илэрхийлээгүй байна. Харин Израил, Иран, Итали, Польш, Орос, Словак зэрэг 11 улс санал хураалтад оролцоогүй аж.
Хэлэлцээрийг албан ёсоор батлах асуудлыг тавдугаар сарын 20-нд болох нэгдсэн хуралдаанаар эцэслэн шийдвэрлэхээр төлөвлөжээ. Гэсэн ч халдвар үүсгэгч нян, вирусийн талаарх мэдээллийг солилцох тухай заалтуудын талаар бүрэн тохиролцоонд хүрээгүй учир хэлэлцээр хүчин төгөлдөр болох хүртэл хоёр жил шаардагдах магадлалтай байна.
Хэлэлцээрийн гол зорилго нь ирээдүйн цар тахлын эрсдэлийг бууруулах, дэлхий нийтээр нэгдмэл байдлаар урьдчилан сэргийлэх, хариу арга хэмжээ авах хамтын ажиллагааг гүнзгийрүүлэхэд оршиж буй. Мөн халдварын талаарх мэдээлэлд хандах нэгдсэн системийг байгуулах, вакцин, оношлуур, эмнэлгийн хэрэгсэл, шаардлагатай технологийг харилцан солилцох, хөгжиж буй орнуудад чиглэсэн санхүүгийн дэмжлэг, нийлүүлэлтийн сүлжээг бий болгох зэрэг асуудлуудыг багтаажээ.
Эх сурвалж: TASS
