Өмнөд Солонгост 2024 оны ерөнхийлөгчийн сонгуулийн өмнөх санал асуулгаар Ардчилсан намаас нэр дэвшигч Ли Жэ Мён 49 хувийн саналтайгаар тэргүүлж байгаа талаар Пүрэв гарагт нийтэлсэн дүн харуулжээ. Түүний гол өрсөлдөгч болох эрх баригч “Ардын хүч” намын (АХН) нэр дэвшигч Ким Мүн Сүг 27 хувийн санал авч хоёрдугаарт бичигдсэн байна.
Даваа гарагаас Лхагва гаргийн хооронд явуулсан уг судалгаагаар Шинэ шинэчлэлийн намын нэр дэвшигч Ли Жүн Сок долоон хувийн саналтай байгаа аж.
Санал асуулгад оролцсон иргэдийн 57 хувь нь ирэх зургаадугаар сарын 3-нд болох сонгуулиар одоогийн засаглалд өөрчлөлт хийхийг дэмжиж байгаа бол 32 хувь нь эрх баригч АХН үргэлжлэн засаглах ёстой хэмээн үзжээ.
Намын түвшинд авч үзвэл:
-
Либерал Ардчилсан нам (АН) – 42 хувь
-
Консерватив Ардын хүч нам (АХН) – 28 хувь
Уг санал асуулгыг “Embrain Public”, “Kstat Research”, “Korea Research”, “Hankook Research” зэрэг судалгааны байгууллагууд хамтран зохион байгуулсан бөгөөд 18 ба түүнээс дээш насны 1000 иргэн оролцжээ.
Эх сурвалж: Yonhap
Сэтгэгдэл (1)