Энэтхэг, Пакистан хоёр улс гал зогсоох тохиролцоонд хүрсэн ч уг тохиролцоог зөрчсөн хэмээн харилцан бие биеэ буруутгаж, нөхцөл байдал тодорхойгүй хэвээр байна. Энэтхэгийн Гадаад хэргийн дэд сайд Викрам Мисри бямба гарагт хийсэн мэдэгдэлдээ гал зогсоох тохиролцоо хэдхэн цагийн дотор олон удаа зөрчигдсөн гэж мэдэгдсэн бол үүний дараа Пакистаны Гадаад хэргийн яамны төлөөлөгч энэхүү тохиролцоог Энэтхэгийн тал зөрчсөн хэмээн буруутгасан байна.
Гэсэн хэдий ч Пакистаны эрх баригчид гал зогсоох тохиролцоог сахихад тууштай байгаагаа илэрхийлж, “Гал зогсоох тохиролцоог хэрэгжүүлэхтэй холбоотой аливаа асуудлыг зохих түвшинд хэлэлцэн шийдвэрлэх шаардлагатай. Цэргүүд хариуцлагатай, тэвчээртэй байх хэрэгтэй” хэмээн мэдэгдсэн байна.
Энэтхэг, Пакистаны эрх баригчид бямба гарагт гал зогсоож, хэлэлцээ хийхээр тохиролцсон бөгөөд энэхүү тохиролцоонд АНУ-ын зуучлалаар хүрсэн байна. АНУ-ын Ерөнхийлөгч Дональд Трамп энэ талаар “Truth Social” сүлжээндээ “Шөнөжин үргэлжилсэн яриа хэлэлцээний үр дүнд Энэтхэг, Пакистан хоёр улс нэн даруй гал зогсоох тохиролцоонд хүрснийг дуулгахад таатай байна” хэмээн бичжээ.
Эх сурвалж: BBC
