АНУ-ын Ерөнхийлөгч Дональд Трампын хэрэгжүүлж буй худалдааны бодлогын улмаас тус улсын хэрэглэгчид урьд өмнө байгаагүй хүнд сонголтын өмнө ирээд байна гэж CNN мэдээллээ. Хятадаас АНУ-ын боомтуудад ирж буй хөлөг онгоцнууд өндөр татварын нөлөөнд хамгийн түрүүнд өртөж, импортын барааны хомсдол үүсэж болзошгүй нөхцөл байдал бий болжээ.

Өнгөрсөн сард Хятадын ихэнх бараанд 145 хувь хүртэл татвар ногдуулсны улмаас импортын хэмжээ эрс буурч, хэрэглэгчид ойрын хугацаанд бараа бүтээгдэхүүний үнэ өсч, нийлүүлэлт тасалдах эрсдэлтэй тулгарахаар байна. Лос-Анжелесийн боомтын гүйцэтгэх захирал Жен Серокагийн мэдээлснээр, өнгөрсөн жилийн мөн үеийнхтэй харьцуулахад боомтын ачаалал 35 орчим хувиар буурсан бөгөөд тавдугаар сард хүлээгдэж байсан 80 хөлгийн 20 хувь нь ирэхгүй болжээ.

Мөн зарим бараа өнгөрсөн сарын үнэтэй харьцуулахад хоёр хагас дахин өссөн бөгөөд жижиглэн худалдаачид болон импортлогчид захиалгаа цуцалж, Хятадын барааг авалгүй хойшлуулаад байгаа аж.

Эх сурвалж: CNN