Германы бизнесийн салбар болон төрийн албанд удирдах албан тушаал хашиж буй эмэгтэйчүүдийн тоо сүүлийн арван жилд огцом өссөн үзүүлэлттэй байна. Энэ нь 2015 оны тавдугаар сарын 1-нээс хэрэгжиж эхэлсэн жендерийн тэнцвэрийг хангах тухай хуулийн хэрэгжилттэй шууд холбоотой гэж судлаачид дүгнэж байна.

2015 оноос өмнө Германы томоохон компанийн Хяналтын зөвлөлийн гишүүдийн дунд эмэгтэйчүүд ердөө 19.9 хувийг эзэлж байсан бол, өнөөдөр энэ тоо 37.5 хувьд хүрээд байна. Түүнчлэн төрийн албанд өндөр алба хашиж буй эмэгтэйчүүдийн хувь 24.1-ээс 38.9 болж өссөн нь жендерийн бодлого үр дүнтэй хэрэгжиж буйн нэг илрэл хэмээн үзэж байна.

Энэ өөрчлөлтийг дэмжсэн гол хуулиуд нь:

• 2015 онд батлагдсан хууль: Хөрөнгийн биржид бүртгэлтэй компаниудын Хяналтын зөвлөлийн гишүүдийн дор хаяж 30 хувь нь эмэгтэйчүүд байх ёстой.

• 2021 оны хууль: Хэрэв компанийн Удирдах зөвлөл 3-аас дээш гишүүнтэй бол заавал 1 эмэгтэйг багтаасан байх шаардлагатай.

Өнөөдрийн байдлаар эдгээр хууль нь олон улсын тавцанд Германыг жендерийн тэнцвэрт байдалд хамгийн бодлоготой ханддаг улсуудын нэг болгож байна.

Эх сурвалж: DW