Румын улсын ерөнхийлөгчийн сонгуулийн эхний шатны саналын 70 гаруй хувийг тоолсны дараах байдлаар “Румынчуудын нэгдлийн төлөөх эвсэл” намаас нэр дэвшигч, хэт барууны үзэлт Жорж Симион 41 гаруй хувийн саналаар тэргүүлж байгааг тус улсын Сонгуулийн хороо мэдээлжээ.

Түүнээс арай бага саналтайгаар төвч үзэл баримтлагч нэр дэвшигчид болох Крин Антонеску 21.5 хувь, Никусор Дан 17.8 хувийн санал аваад байна. Энэ нь тус улсын улс төрийн чиг хандлагад хэт барууны үзэл эрчимжиж буйн илрэл хэмээн ажиглагчид дүгнэж байна.

Румыний ерөнхийлөгчийн сонгуулийн эхний шат 2024 оны арваннэгдүгээр сарын 24-нд явагдаж, анх Оросын талыг баримтлагч, хэт барууны үзэлтэй нэр дэвшигч Кэлин Жоржеску тэргүүлж байсан ч Үндсэн хуулийн цэц сонгуулийн үйл явцад гадаад улсаас нөлөөлсөн гэж үзэн эхний шатны дүнг хүчингүй болгосон юм. Үүний дараа 2024 оны арванхоёрдугаар сарын 8-нд хоёр дахь шатны санал хураалт явуулах шийдвэрийг гаргажээ.

Эх сурвалж: Anadolu