АНУ-ын Ерөнхийлөгч Дональд Трамп гуравдугаар сарын 26-нд гадаадын бүх автомашин болон сэлбэг хэрэгсэлд 25 хувийн тариф тогтоох шийдвэр гаргаснаа зарлаж, дэлхийн авто үйлдвэрлэлийн салбарт томоохон цочроо үүсгэлээ. Энэхүү шийдвэр нь дөрөвдүгээр сарын 3-наас хэрэгжиж эхэлнэ.

CNN: Тарифын шинэ бодлого нь даяарчлалын эсрэг худалдааны дайн эхлүүлж буй алхам хэмээн дүгнэсэн. Трамп шийдвэрээ гаргахдаа “найз нь дайснаасаа дор байх нь олонтоо” хэмээсэн бөгөөд АНУ-д үйлдвэрлээгүй бүх машин, сэлбэгт 25 хувийн татвар ногдуулна гэж мэдэгдсэн. Үүний нөлөөгөөр хэрэглэгчид үнийн ачааллыг үүрэх магадлалтай.

The New York Times: АНУ-д нийлүүлэгддэг Канад, Мексикийн автомашины үнэ дунджаар 6000 ам.доллараар өснө хэмээн Cox Automotive тооцоолжээ. Эдийн засагчид автомашины үнийн өсөлт нь үйлдвэрлэл хумих, ажилгүйдэл нэмэгдэх аюул дагуулна гэв. Одоогоор АНУ-д авто болон сэлбэг үйлдвэрлэлд 1 сая, дилерийн төвүүдэд 2 сая хүн ажиллаж байгаа аж.

Reuters: Тарифын мэдэгдэл General Motors, Ford зэрэг авто үйлдвэрлэгчдийн хувьцаанд шууд нөлөөлж, GM-ийн хувьцаа 8%-иар, Ford ба Chrysler-ын хувьцаа 4.5%-иар буурсан бол Азийн Toyota, Honda, Hyundai-ийн хувьцаа 3-4%-иар унажээ. Tesla-ийн хувьцаа ч 1.3%-иар буурсан байна. Трамп энэ тариф нь Tesla-д ашигтай байж магадгүй гэж онцолсон ч Элон Маск өөрөө тарифыг сэлбэгийн үнэд сөрөг нөлөөтэй хэмээн анхааруулсан байна.

NBC: TikTok-ийг худалдах асуудлыг дурдахад, Трамп хэрэв тус платформыг АНУ-д зарах бол нөхцөлд бэлэн хэмээгээд “Хятадын татварыг хөнгөлж магадгүй” гэж мэдэгджээ. TikTok АНУ дахь үйл ажиллагаагаа түр зогсоосон ч Трампын мэдэгдлийн дараа дахин сэргээжээ.

Associated Press: Канадын Ерөнхий сайд Марк Карни энэ тарифыг “Канадын эсрэг шууд довтолгоо” хэмээн тодорхойлж, Америктай харилцах тусгай комисс хуралдуулсан байна. Канадын авто салбарт шууд 125,000, холбоотой салбарт 500,000 хүн ажилладаг тул тариф нь эдийн засагт хүчтэй цохилт болохыг онцолжээ.

Эх сурвалж: iz.ru, CNN, The New York Times, Reuters, NBC, AP.