Олон улсын олимпийн хорооны (ОУОХ) шинэ ерөнхийлөгчөөр сонгогдоод буй Кирсти Ковентри бол спортоор дамжуулан олон түмэнд танигдсан, улмаар улс төр, олимпийн удирдлагын карьертаа ч амжилт гаргасан Зимбабвегийн нэртэй сэлэгч юм. Түүнийг “Зимбабвегийн алтан охин” гэж нэрлэдэг нь ч учиртай. Тэрээр ОУОХ-г толгойлох анхны эмэгтэй, анхны африк эмэгтэйгээр түүхэнд бичигдэж байна.

1. Африкийн домогт сэлэгч

• 2000–2016 оны хооронд таван олимпт оролцож, долоон олимпийн медаль хүртсэн.

• 200м араар сэлэлтээр хоёр алтан медаль, 100м сэлэлт болон холимог төрлүүдээс таван мөнгө, хүрэл медаль авч байв.

• Зимбабвегийн нийт найман олимпийн медалийн долоог нь авчирсан ганцхан хүн.

• 2008 онд богино замын ДАШТ-д дөрвөн алт, нэг хүрэл медаль хүртэж, гурван дэлхийн дээд амжилт тогтоосон.

• Урт болон богино замд нийт долоон удаа дэлхийн дээд амжилт эвдсэн.

2. Үндэсний баатар болсон амжилт

• 2004 оны Афины олимпоос хойш ерөнхийлөгч Роберт Мугабегаас $50,000, 2008 оны Бээжингийн олимпоос хойш $100,000 шагнал авсан.

• Эдгээр урамшууллыг буяны ажилд зориулсан гэдгийг хожим тайлбарласан.

• Цагаан арьст Зимбабвегийн иргэн ч тус улсын ард түмэнд хайрлагдсан үндэсний бахархал болжээ.

3. Олимпийн хөдөлгөөн дэх байр суурь

• 2012 онд ОУОХ-ны тамирчдын комисст сонгогдож, цаашлаад 2018 онд уг комиссын дарга болсон.

• 2023 онд ОУОХ-ны бие даасан гишүүн болж, 2032 оны Брисбены олимп, 2026 оны Дакарын залуучуудын олимпийг хариуцсан хороог удирдаж байна.

• Олимпийн тоглолтыг зохион байгуулах хотын сонголт зэрэг чухал шийдвэрт оролцдог эрх бүхий гишүүн байсаар иржээ.

4. Зимбабвегийн сайд

• 2017 оноос хойш тус улсын Залуучууд, спорт, соёл, амралтын сайдаар ажиллаж байна.

• Гэхдээ хөл бөмбөгийн холбоо FIFA-аас хасагдах, Парисын олимпод ердөө есөн тамирчинтай оролцох зэрэг асуудлаар шүүмжлэл дагуулсан.

• Тус засгийн газарт цорын ганц цагаан арьстан гишүүн юм.

5. Томас Бахын залгамжлагч болсон нь

• 2024 оны намар ерөнхийлөгчийн сонгуульд нэр дэвшиж, бусад зургаан өрсөлдөгчөө ардаа орхин ялалт байгуулсан.

• Түүнийг Томас Бах дэмжсэн гэх мэдээлэл байсан ч тэр өөрөө үгүйсгэж байв.

• 41 насандаа ерөнхийлөгч болсон нь Пьер де Кубертены дараа хамгийн залуу ерөнхийлөгч болсон тохиолдол юм.

• Сонгуулийн кампаниа нөхрийн хамт зохион байгуулж, зөвхөн нэг туслахаар баг бүрдүүлсэн нь онцлог байв.

Эх сурвалж: REUTERS, WSJ, AFP, Olympics.com.