Пап лам Францис Ромын Жемеллийн нэрэмжит өнөөдөр эмнэлгээс гарна. Тэрбээр Ватикан дахь өргөөндөө хоёр сарын турш амрах шаардлагатай. "Биеийн байдал нь сайжирч байгаа тул богино хугацаанд үүрэгт ажилдаа эргэн орох төлөвтэй байна” гэж Ватиканы хэвлэлийн төлөөлөгч хэлсэн байна.
Пап Францис таван долоо хоног буюу 37 хоногийн турш эмнэлэгт хэвтэн эмчлүүлсэн байна. Өдгөө 88 настай папын биеийн байдал сүүлийн хоёр долоо хоногийн хугацаанд тогтвортой байгаа гэж Ватиканы хэвлэлийн алба мэдэгдсэн байна. Хоёрдугаар сарын 14-нд Ром хотын эмнэлэгт хүргэгдсэн пап хоёр уушгиндаа хатгалгаа туссан гэсэн оноштойгоор эмчлүүлжээ.
Францис насанд хүрсэн хойноо плеврит буюу уушгины гялтан хальсны үрэвсэлтэй болж, 21 настайдаа уушгиныхаа нэг хэсгийг авахуулсан тул уушгины халдварт өртөмтгий болжээ. Ромын католик сүмийн тэргүүний албыг 12 жил хаших хугацаандаа тэрбээр хэд хэдэн удаа эмнэлэгт хэвтэж байв.
Эх сурвалж: BBC
