ОХУ-ын нийслэл Москва хот руу 90 дрон дайрсан нь өнөөдрийг хүртэлх хамгийн том дрон дайралт болсон гэж мэдээлжээ. Уг халдлагын улмаас нэг иргэн амиа алдаж, 18 хүн шархадсан байна.

Оросын Батлан хамгаалах яамнаас мэдээлснээр, өнгөрсөн шөнө улсын янз бүрийн бүс нутагт нийт 337 дрон устгасан бол Москва хотыг чиглэсэн 73 дроныг хамгаалалтын хүчнийхэн сөнөөжээ. Дрон унасан газруудад гал гарсан талаар мэдээлсэн байна.

Энэхүү халдлага нь Саудын Арабад эхлэхээр төлөвлөгдөж буй энхийн яриа хэлэлцээний өмнөхөн болсон нь анхаарал татаж байна.

Дрон дайралтын улмаас Москва хотын нисэх онгоцны дөрвөн буудлын нислэгүүд түр зогсч, Домодедово нисэх буудлын төмөр замд эвдрэл гарсан байна. Харин нийслэлийн зүүн өмнөд хэсгийн Рязан бүсэд агаарын довтолгооноос хамгаалах систем ажиллаж, томоохон хохирлоос сэргийлжээ.

Москва болон түүний эргэн тойронд 21 сая хүн оршин суудаг бөгөөд Европын хамгийн олон хүн амтай хотод тооцогддог.

Эх сурвалж: BBC