Германы бундестагийн ээлжит бус сонгуульд Христийн Ардчилсан Холбоо (ХАХ) болон Христийн Нийгмийн Холбоо (ХНХ) эвслийн лидер Фридрих Мерц ялалт байгуулж, тэрээр дөрөвдүгээр сарын 20-нд Засгийн газраа байгуулахаар төлөвлөж байна. Германы ирээдүйн шинэ канцлерийн талаар дараах 7 баримтыг танилцуулж байна.

1. Алдар нэртэй биш лидер

• 69 настай Фридрих Мерц ХАХН-д 44 жил зүтгэсэн ч Засгийн газрын бүрэлдэхүүнд орж байгаагүй. Тэрээр Ангела Меркелийн үед удаан хугацаанд улс төрийн сүүдэрт байжээ.
• Тэрээр намын удирдлагад гарах гэж хэд хэдэн удаа оролдсон бөгөөд 2022 онд ХАХ-ын дарга болж чадсан.
• Зарим шүүмжлэгчид түүнийг гомдомтгой, сэтгэлийн хөөрөлтэй гэж үздэг.

2. Шилтгээнд өссөн ч өөрийгөө дунд ангиас гаралтай гэж үздэг

• Түүнийг "Германы Дональд Трамп" гэж нэрлэх нь элбэг. Учир нь тэр баян, популист үг хэллэгтэй.
• Тэрээр хуульч мэргэжилтэй бөгөөд Саарбрюккен хотын шүүхэд ажиллаж байсан ч хожим олон улсын томоохон компанид ажилласан.
• 2018 онд хувийн онгоц худалдаж авсан нь олны анхаарал татсан.

3. Украиныг дэмждэг, сөргөлдөөнийг хүчээр шийдэхийг дэмждэг

• Канцлер Олаф Шольцыг Украинд зэвсэг нийлүүлэхдээ удаашралтай байна гэж шүүмжилж ирсэн.
• Украинд алсын тусгалтай Taurus пуужинг нийлүүлж, Оросын нутаг дэвсгэрт цохилт өгөхийг дэмждэг.
• Хэрэв канцлер болвол Германд цэргийн алба хаалтыг заавал болгохоо илэрхийлсэн.

4. Америкийн BlackRock компанитай холбоотой

• 2016-2020 онд BlackRock компанийн Германы салбарын хяналтын зөвлөлийг даргалж байсан.
• Тус компани нь Украины өрийн зохицуулалтад оролцдог бөгөөд татварын залилангийн хэрэгт холбогдож байжээ.

5. Цагаачлалын бодлогыг чангатгахыг дэмждэг

• Украины дүрвэгчдийн тэтгэмжийг бууруулж, ажил эрхлэхийг шаардана.
• Хууль бус цагаачлалын эсрэг хатуу арга хэмжээ авах бодолтой.
• Гэхдээ өндөр мэргэжлийн гадны ажилчдыг дэмжих сонирхолтой.

6. Уур амьсгалын өөрчлөлтийн бодлогыг шинэчлэхийг зорьж байна

• Нүүрс хүчлийн хийн татварыг нэмэгдүүлэх бодлого баримталдаг.
• Атомын цахилгаан станцуудыг сэргээн ажиллуулахыг дэмждэг.
• Дизель, бензин хөдөлгүүртэй тээврийн хэрэгслийн хоригийг эсэргүүцдэг.

7. "Өрийн тормоз"-ыг хэвээр үлдээхийг дэмжинэ

• Төрийн төсвийн алдагдлыг ДНБ-ний 0.35%-иас хэтрүүлэхгүй байхыг дэмждэг.
• Нэмүү өртгийн болон аж ахуйн татварыг бууруулахыг зорьж байна.
• Эдийн засгийн хямралаас гарах гол арга нь нийгмийн тэтгэмжийг бууруулах гэж үздэг.

Эх сурвалж: Iz.ru, Global Look Press/Michael Kappeler