АНУ-ын Ерөнхийлөгч Дональд Трамп тус улсад нийлүүлж буй бараа бүтээгдэхүүнд шинээр татвар ногдуулсны хариуд Канад, Мексик, Хятад улсууд АНУ-аас импортолж буй бараанд хариу татвар ногдуулахаа мягмар гарагт мэдэгджээ.
АНУ-ын шинэ бодлогын дагуу:
- Канад, Мексикийн бараа бүтээгдэхүүнд 25 хувийн татвар ногдуулсан
- Хятадын бараанд ногдуулаад байсан 10 хувийн татварыг 20 хувь болгон өсгөсөн
Д.Трампын засаг захиргаа эдгээр татвар нь АНУ-д үйлдвэрлэл нэмэгдэхэд түлхэц өгнө гэж үзэж байгаа бөгөөд тэрбээр “АНУ руу нүүвэл ямар ч татвар байхгүй!!!” хэмээн Truth Social платформд бичжээ.
Канад, Мексик, Хятадын хариу арга хэмжээ
- Канад Америкийн 107 тэрбум ам.долларын бараанд 25 хувийн татвар ногдуулна гэж Ерөнхий сайд Жастин Трюдо мэдэгдэв.
- Мексик АНУ-ын бараа бүтээгдэхүүнд хариу татвар ногдуулахаа зарлаж, ирэх ням гарагт ямар бүтээгдэхүүн хамаарахыг тодорхой мэдээлнэ.
- Хятад гуравдугаар сарын 10-наас эхлэн:
- Тахианы мах, улаан буудай, эрдэнэ шиш, хөвөнгийн импортод 15 хувийн татвар ногдуулна.
- Шар буурцаг, гахайн мах, үхрийн мах, жимс, хүнсний ногоо, сүүн бүтээгдэхүүнд 10 хувийн татвар тогтооно.
Эдгээр шийдвэрүүд нь АНУ болон түүний худалдааны гол түншүүдийн хооронд эдийн засгийн шинэ маргаан дэгдээж, олон улсын худалдааны харилцаанд томоохон өөрчлөлт авчрах магадлалтай гэж шинжээчид үзэж байна.
