Одоогоос 11 жилийн өмнө 239 хүн тээвэрлэж яваад сураггүй болсон "Malaysia Airlines" компанийн MH370 нислэгийн онгоцыг эрэн хайх ажиллагааг дахин эхлүүлсэн тухай Малайзын эрх баригчид мэдэгдлээ.

2014 оны гуравдугаар сард тус онгоц Малайзаас Хятадын чиглэлд Өмнөд Хятадын тэнгисийн дээгүүр нисэж явахдаа радарын дэлгэцээс алга болсон байдаг. Онгоцны зарим хэсгийг олсон ч онгоц хэрхэн сүйрсэн, хаана байрлаж байгааг өнөөдрийг хүртэл бүрэн тогтоож чадаагүй байна. Үүнийг нисэхийн түүхэн дэх хамгийн нууцлаг хэргүүдийн нэг гэж үздэг.

Малайзын Тээврийн сайд Энтони Лок Сив Фук мягмар гарагт мэдэгдэл хийхдээ, "Ocean Infinity" хэмээх тэнгисийн хайгуулын компани Энэтхэгийн далайд эрэн хайх ажиллагаагаа сэргээсэн гэж мэдэгдэв.

Малайзын Засгийн газар өнгөрсөн 12 дугаар сард уг компанитай байгуулсан гэрээний дагуу хайгуулын ажиллагааг эхлүүлсэн бөгөөд энэ удаа Энэтхэгийн далайн өмнөд хэсэгт 15 мянган хавтгай дөрвөлжин км талбайг хамарч эрэн хайх ажил хийгдэх аж.

Энэ ажиллагааны үр дүнд зорчигчдын ар гэрийнхэн, нисэхийн салбарынхан онгоцны алга болсонтой холбоотой нууцлаг зүйлс тодорхой болно гэж найдаж байгаагаа сайд Э.Фук илэрхийлсэн байна.

Эх сурвалж: NHK