Трамп ХМХ-тэй хийсэн бүх гэрээг зогсоох үүргийг АНУ-ын нийт албадын захиргаанд өглөө

АНУ-ын Засгийн газар тэргүүлэх хэвлэл мэдээллийн хэрэгслүүдэд (ХМХ) үзүүлж байсан санхүүжилтээ зогсоох шийдвэр гаргалаа. Энэ шийдвэрийн гол шалтгаан нь зарим ХМХ АНУ-ын Олон улсын хөгжлийн агентлаг (USAID)-аас санхүүжилт авч байсан асуудалтай холбоотой аж.

Ямар үйл явдал болов?

• АНУ-ын Төрийн удирдлагын үр дүнг нэмэгдүүлэх газар Politico, The New York Times, Associated Press зэрэг томоохон хэвлэлүүдтэй хийсэн гэрээг цуцалж байгаагаа зарласан байна.
• АНУ-ын төсвөөс эдгээр хэвлэлүүд тодорхой хэмжээний санхүүжилт авсан нь ил болжээ.
• Цагаан ордон Засгийн газрын хангамжийн худалдааг хариуцсан Нийт албан газруудын удирдлагын алба (GSA)-д ХМХ-тэй байгуулсан бүх гэрээг зогсоох үүрэг өгсөн байна.
• Politico сонин $8 сая ам.долларын санхүүжилт авсан нь илэрсний дараа уг хэвлэл ажилчдынхаа цалинг хойшлуулсан тухай мэдээлэл гарчээ.
• АНУ-ын Ерөнхийлөгч Дональд Трамп энэ шийдвэрийг баталгаажуулж, "Засгийн газрын мөнгөөр хэвлэл мэдээллийг худалдан авах ёсгүй" гэсэн байр суурь илэрхийлсэн байна.

USAID агентлагийн нөлөө

USAID шууд хэвлэлүүдийг санхүүжүүлээгүй ч Гэмт хэрэг, авлигын судалгааны төв (OCCRP) зэрэг сэтгүүлчдийн бие даасан эрэн сурвалжлах байгууллагуудаар дамжуулан ХМХ-үүдэд санхүүгийн дэмжлэг үзүүлж байжээ.

• OCCRP нь олон улсын сэтгүүлчдийн судалгааг дэмжих зорилготой байгууллага бөгөөд олон нийтийн санаа бодолд нөлөөлөхүйц судалгааг санхүүжүүлж ирсэн байна.
• OCCRP-ийн санхүүжилтээр Le Monde, The Guardian, The New York Times, Süddeutsche Zeitung зэрэг хэвлэлүүд тодорхой нийтлэлүүд гаргасан нь АНУ-ын эрх баригчдын дургүйцлийг төрүүлжээ.

Трампын хэвлэл мэдээлэлтэй сөргөлдсөн гол шалтгаанууд

• АНУ-ын олон нийтийн хэвлэлийн 90 орчим хувь нь Ардчилсан намыг дэмждэг тул Трампыг эсэргүүцэх байр суурьтай байсаар ирсэн.
• New York Times Трампын гэр бүлийн санхүүгийн асуудлыг хөндөж, түүнийг татвараас зайлсхийсэн гэж шүүмжилсний дараа шүүх дээр заргалдаж байсан ч ялалт байгуулаагүй.
• CBS телевиз сонгуулийн кампанит ажлын үеэр АН-ын нэр дэвшигч Камала Харрисын сул талыг нуух зорилгоор ярилцлага засварласан гэж Трамп шүүмжилж, тус телевизийн лицензийг цуцлах санал гаргаж байв.
• NBC News, The New York Times, NPR, Politico зэрэг хэвлэлүүдийг Пентагоны байраас гаргаж, оронд нь The Times, One America News, Breitbart News, HuffPost зэрэг консерватив хэвлэлүүдэд байр суурийг нь шилжүүлсэн байна.

АНУ-ын хэвлэл мэдээллийн орчинд гарах өөрчлөлтүүд

• АНУ-ын Засгийн газрын санхүүжилт зогссоноор олон хэвлэл төсөв, үйл ажиллагаагаа өөрчлөх шаардлагатай болж байна.
• Үндэсний бодлого нь Ардчилсан намын байр суурийг дэмждэг томоохон хэвлэлүүдийг эдийн засгийн дарамтад оруулах эрсдэлтэй.
• Барууны томоохон хэвлэлүүдээс АНУ-ын дэмжлэг авдаг байсан бусад ХМХ-үүдийн санхүүжилтийн асуудалд шинэ зохицуулалт хийх магадлалтай.

Эх сурвалж: IZ.ru