Японы байршил тогтоох "Quasi-Zenith Satellite System" (QZSS) системийн "Мичибики-6" хиймэл дагуулыг хөөргөжээ. Энэхүү системийг "Японы GPS" гэж нэрлэдэг бөгөөд Японы сансар судлалын агентлаг (JAXA) уг хиймэл дагуулыг "H3" зөөгч пуужин ашиглан хөөргөсөн байна.
QZSS системийн хөгжүүлэлт
- 2026 он гэхэд хиймэл дагуулын тоог 7 хүргэнэ.
- 2030-аад оны эцэс гэхэд 11 болгон нэмэгдүүлэхээр төлөвлөжээ.
QZSS нь АНУ-ын GPS-ээс илүү өндөр нарийвчлалтай ажилладаг бөгөөд байршил тогтоох алдааны магадлал хэдхэн сантиметр байдаг бол Америкийн GPS-ийн алдаа хэдэн метр хүрэх боломжтой аж.
"H3" зөөгч пуужин
- Урт: 63 метр
- Диаметр: 5.2 метр
- Даац: 4-6.5 тонн
- Хөгжүүлэгч: "Mitsubishi Heavy Industries" (2013)
- Шинэчлэлд зарцуулсан хөрөнгө: 1.32 тэрбум ам.доллар
- Үйлдвэрлэлийн өртгийг бууруулахын тулд 3D хэвлэгч ашигласан.
Шинэ хиймэл дагуулуудын нэмэгдэлтээр Япон улс байршил тогтоох, харилцаа холбоо, аюулгүй байдлын чадавхаа нэмэгдүүлэх зорилготой байна.
Эх сурвалж: TASS
