АНУ-ын сонгогдсон ерөнхийлөгч Дональд Трамп Украин дахь сөргөлдөөнийг аль болох хурдан зогсоохын тулд  шаардлагатай бүх  хүчин чармайлтаа гаргахаар амлаж байгаа. Гэхдээ тэр  сонгуулийн сурталчилгаандаа үүнийг 24 цагийн дотор хийхээр  амлаж байсан хугацаагаа  хэдэн сар болгон хойшлуулав. Европын зарим  түншүүд нь  түүний засаг захиргаа Киевыг дэмжихээ  яаралтайгаар зогсоохгүй нь гэж  ойлгож байна. Энэ талаар гадаадын хэвлэлүүд хэрхэн бичнэ вэ?

Фото: REUTERS/Cheney Orr

Neue Zürcher Zeitung: Украин дахь сөргөлдөөн хурдан дуусах нь аль хэр бодитой вэ?

Энхээр зохицуулах гэсэн санаа одоогоор хэсэгчлэн харагдаж байгаа юм. Дональд Трамп тодорхой дохио өгөн бэлтгэл генерал Кит Келлогийг  Украины асуудлаар тусгай элч болгон томилсон. Келлог  байлдааны ажиллагааг хурдан дуусгахыг уриалсан төлөвлөгөөг бүтээгчдийн нэг юм. Гэхдээ Трамп өөрийн хэлэлцээрийн стратегийн  талаар тодорхой зүйлийг гаргаагүй байгаа.

Neue Zürcher Zeitung:

Ийм тохиолдолд  энхийн төслийн тэр бүрэг бараг зүйлд анхаарал өгөөд хэрэггүй. Илүү чухал асуудал нь  үнэн хэрэгтээ  юуг хэрхэн зохицуулах, ямар асуудлуудыг гаргаж байна вэ гэдэгт л байгаа. Ээдрээтэй  сөргөлдөөнүүдэд  дипломатууд асуудлыг  янз бүрийн чиглэлээр эсвэл багцлан  сагсалдаг  юм.

Шаардлагын дагуу тийм «сагс»  наанадаа зургаа байх ёстой. Үүнд Эвлэрэх нөхцөл, хүмүүнлэгийн болон газар нутгийн асуудал, эвлэрэлийн баталгаа, боломжит хориг ба дайны төлбөр,  мөн  Европын стратегийн тогтвортой байдлыг хангах нөхцөл энд тусгагдсан байх ёстой.

The Financial Times: Дональд Трамп Украин дахь цэргийн сөргөлдөөний төгсгөлийг хойшлуулан Киевыг дэмжих дохиог өгч байна

АНУ-ын сонгогдсон ерөнхийлөгч Дональд Трамп Украин дахь сөргөлдөөнийг “24 цагийн дотор зохицуулна”  гэсэн амлалтынхаа хугацааг хоногоос хэдэн сар болгон хойшлуулсныг Европын түншүүд нь  түүний засаг захиргаа Киевыг дэмжихээ нэн даруй зогсоохгүйн дохио гэж үзэв. Европын хоёр албан тушаалтан мэдээлэхдээ, Трампын багтай  сүүлийн долоо хоногуудад хийсэн яриа хэлцлээр сөргөлдөөнийг хэрхэн яаж зогсоох асуудлыг шийдээгүй, АНУ-ын Ерөнхийлөгчийн инаугурацийн дараа  Украиныг дэмжихээ үргэлжлүүлэх  нь тодорхой боллоо гэж хэлжээ.

The Financial Times:

Шинэ засаг захиргаа нь ерөнхийлөгч Жо Байдены  хийсэн Афганистанаас цэргээ сүйрэлтэйгээр гаргасан алдааг Украинд давтахаас айж байна. Европын лидерүүд ба албан тушаалтнууд Трамп ба түүний багийнханд АНУ-ын цэргийн тусламж зайлашгүй шаардлагатай гэж ойлгуулахаар оролдож байна. Тусламж нь Киевт хэлэлцээрт ороход  хүчтэй байдлыг гарган өгч Москваг хэлэлцээрийн ширээний ард суулгахад хэрэгтэй гэж  тэд үзэж байна

Кремлийн өндөр тушаалтан байсан нэгэн, Путинтэй энэ талаар ярилцаж байсан тушаалтан хэлснээр, Владимир Путины гол зорилго нь хэлэлцээрээр Украин хэзээ ч  НАТО-д элсэхгүйг баталгаажуулсан аюулгүй байдлын  шинэ гэрээ гэнэ. Мөн тэнд АНУ-ын толгойлсон цэргийн эвсэл нь дорно зүгт хийсэн зарим байрлалаасаа татгалзах ёстой. Энэ бүгдийн зэрэгцээ Трамп бас өөрөө дуртай цагтаа эвслийг тарааж  магадгүй. Эдгээрийн үр дүнд юу ч болж магадгүй юм.

Bloomberg: Украин ялагдах нь АНУ-д тусламжаас илүү үнэтэй тусна

Цэргийн сөргөлдөөнд Орос ялах нь одоо Украинд нийлүүлж байгаа америкийн зэвсэг дээр хэмнэлт гаргахыг зогсоох ба Пентагоны зарлагыг 2029 он хүртэл $800 тэрбумаар нэмэгдүүлнэ гэж консерватив судалгааны төв шинэ илтгэлдээ өгүүлжээ.

Bloomberg:

Энэ мөнгө нь АНУ-д Украинаас гадна Оросын цөмийн бус довтолгооныг барьж байхад хэрэгтэй болно.

Энэ мөнгө нь АНУ-ын Батлан хамгаалах яамны урсгал таван жилийн төлөвлөгөөг  2029 он хүртэл өөрчлөхөд  хүргэх ба зардлыг 2029 он хүртэл $4,4 их наядаас $5,2 хүргэх ба жилдээ $165 тэрбумаар  өнөөгийн төлөвлөгөөнд тусгаснаас илүү болгоно. Шинжээчид "Украиныг дэмжиж байх нь санхүүгийн хувьд Америкийн сонирхолд нийцнэ" гэж үзлээ.

Politico: Хэрэв АНУ хүсэхгүй байгаа бол ЕХ Украины  талын санаачлагыг өөртөө авахад бэлэн

Европын холбооны дипломат албаны тэргүүн Кая Каллас  мэдэгдэхдээ АНУ  хүсэхгүй бол ЕХ Украиныг дэмжих санаачлагыг өөртөө авахад бэлэн гэж мэдэгдэв.

Politico:

«ЕХ-ны бүх гишүүд, мөн АНУ Украинд туслахаа үргэлжлүүлэх магадлалтай» гэж Украины холбоотнуудын Германы Рамштайны уулзалтад очих  замдаа Каллас хэлжээ.

Хэрэв АНУ энд лидер байх сонирхолгүй бол Европын холбоо тэр үүргийг өөртөө авахад бэлэн  гэж тэр тэмдэглээд, одоо энэ сэдвээр наймаалцах  хэрэггүй гэсэн байв. Үүнийг хэлж байхдаа Орос дэлхийд хамгийн хүчирхэг байхыг Америк өөрөө хүсэхгүй гэдэгт Каллас итгэлтэй байгаагаа илэрхийлжээ.