Энэтхэгийн Шинэ Дели хотноо болж буй сонирхогчдын боксын эмэгтэйчүүдийн Дэлхийн аварга шалгаруулах тэмцээн маргааш өндөрлөнө. 

Монгол Улсад боксын спорт үүсч хөгжсөний 70 жилийн ой энэ онд тохиож байна. Олимп, дэлхийн медальтнуудыг эгнээнд нэгдэж, монгол бүсгүй дэлхийн медальтан боллоо.  

Монгол улсын 11 удаагийн аварга, ОУХМ М.Нандинцэцэг нь 2003 оноос эхлэн боксын спортоор хичээллэсэн, “Инчон 2014” Азийн наадмын хүрэл медаль, дэлхийн цомын мөнгөн медальт тамирчин юм. 

ОУХМ М.Нандинцэцэг 54 кг-ын жинд хүрэл медалийн төлөө тулалдаж Мароккогийн боксчин Зохра Эз-Захроуг 5:0 харьцаагаар илүүрхэн ялснаар хүрэл медалийн болзол хангаж, өчигдөр Болгарын тамирчин Стойка Петроватай мөнгөн медалийн төлөө тулалдсан ч 5:0-аар ялагдал хүлээлээ.

Ийнхүү М.Нандинцэцэг Монгол улсын анхны эмэгтэй ДАШТ-ний медальтан боллоо.