Нэр цуутай бизнесмен Луи Че Ву 95 насандаа нас барсан тухай Bloomberg агентлаг мэдээлэв.

Луи Че Ву 1955 онд  барилгын салбарын  K.Wah Company-ийг үүсгэн байгуулаад, цаг хугацааны явцад  бизнесийн янз бүрийн төрөл эрхэлсэн  олон үндэстний  нэгдлийг  бий болгожээ. Амьдралынхаа сүүл рүү тэр $14,5  тэрбумын хөрөнгөтэй Гонконгийн хамгийн баян хүн болжээ.

Тэр тоглоомын бизнесийн дэлхийн тэргүүн компантупыг нэг болсон  Galaxy Entertainment Group компаниа 2000-аад оны эхээр  үүсгэн байгуулаад, Хятадын засаг захиргааны тусгай район Макаод  нээжээ. Макаогийн казиногийн ашиг  2013 онд  $44,7  тэрбумд хүрсэн нь Лас-Вегас-Стрип тоглоомын гудамжийнхаас долоо дахин их байв.

Луи Че Ву  1929 онд төржээ. Тэр Гонконгийг  япончууд эзэлсний дараа сургуулиа орхисон ба 13 насандаа хүнсний бүтээгдэхүүний дистрибьютор болоод  бизнесээ эхэлсэн байв. Дэлхийн хоёрдугаар дайны дараа тэр Окинава арлаас америкийн барилгын машин материалын илүүдлийг худалдан аваад түүнийг Гонконгт импортлон эхний хөрөнгөө босгожээ.

Талийгаач 2015  онд «Дэлхийн иргэншлэлийн төлөөх шагнал» үүсгэн байгуулаад 20 сая гонконгийн доллар дагуулахаар болсон юм. Нобелийн шагналаас бараг хоёр дахин их мөнгөтэй шагналыг  тогтвортой хөгжил,  хүмүүсийн амьдралыг сайжруулсан, эерэг харилцааг дэлгэрүүлсний төлөө оруулсан хувь нэмэрт нь олгодог. Тухайлбал энэ шагналыг Олон улсын паралимпийн  хороонд олгож байжээ.