Сайд асан энэ намын түүхэнд анхны хар арьстан эмэгтэй болж байна. Өдгөө 44 настай Баденокын төлөө консерваторуудын 57% санал өгөв. Түүний гол өрсөлдөгч байсан Цагаачлалын асуудал эрхэлсэн сайд асан Роберт Женрик 43%-ийн санал авсан байв.
Баденок барууны үзэл баримтлалтай намын бүлэгт багтдаг гэж агентлаг тодотгов. Үгийн эрх чөлөөний зарчим, хязгаарлалтгүй зах зээлийн зарчмыг хамгаалах цаг ирлээ гэж намын шинэ дарга мэдэгджээ.
Эрх баригч Лейборист намын дарга бөгөөд тус орны Ерөнхий сайд Кир Стармер Х сүлжээний өөрийн хуудаснаа түүнд баяр хүргээд “Кеми Баденок таныг консерваторуудын толгойлогч болсонд баяр хүргэе. Та Вестминстерын намын анхны хар арьстан тэргүүн боллоо. Энэ агшин бол манай орны хувьд бахархал юм” гэж бичжээ.
Баденок өөрөө өөрийн арьсны өнгөнд анхаарал тавиад байхыг хүсээгүйг Reuters онцлов. Тэрээр арьсны өнгө нь үсний эсвэл нүдний өнгөөс илүү чухал гэж үзэхгүй гэжээ.
Эх сурвалж:iz.ru
