Израилын Агаарын цэргийн хүчний нисэх онгоцууд Сирийн Хомс мужийн аж үйлдвэрийн Хесья хот дахь Ираны машин угсралтын Saba үйлдвэрт цохилт өгчээ. Энэ тухай тус хотын аж үйлдвэрийн бүсийн дарга Амер Халиль мэдээлсэн байна.
"Израил Хесья дахь машин угсралтын үйлдвэр лүү агаараас довтолсон, Израил үйлдвэрийг бөмбөгдсөөр байна" гэж түүний мэдээлснийг хэвлэлүүд эш татжээ.
Иран улс энэ сарын 1-ний өдөр түүхэндээ хоёр дахь удаагаа Израилд пуужингийн бөөгнөрүүлсэн цохилт өгсөн бөгөөд энэ удаагийн пуужингийн цохилт бол өөрийгөө хамгаалах ажиллагаа гэж мэдэгдсэн юм.
Израилын цэргийнхний мэдэгдсэнээр, Ираны тал 180 орчим баллистик пуужин харвасны ихэнхийг амдан сөнөөжээ. Пуужингууд Израилын цэргийн байгууламжуудыг оносон гэж Ираны тал мэдэгдсэн бол Израилын эрх баригчид хариу цохилт өгөхөө амлаж, АНУ -ын эрх баригчид Ираны цохилт бол “хүлээн зөвшөөрөхийн аргагүй үйлдэл” гэж мэдэгдээд ийм үйлдлийг зэмлэн буруушаахыг улс орнуудад уриалсан юм.
