«Хезболлах» хөдөлгөөний дайчдын ашиглаж байсан пейжерүүдийг Израилийн тагнуулын «Моссад» бүтээн программчилжээ. Нууцлагдсан мэдээг уншихын тулд хоёр товчлуурыг зэрэг дарах ёстой байв. Тэр нь тэсрэх төхөөрөмжийг идэвхжүүлэн дэлбэлсэн гэдгийг Washington Post сонинд АНУ, Израль, Ойрхи Дорнод дахь эх сурвалжууд ярьжээ.

Тэсрэх төхөөрөмжтэй холбооны төхөөрөмжийг Ливанд Израилийн тагнуулын  алба «Моссад» 2015  оноос  оруулжээ. Тэр үед  төхөөрөмжийн зай том байсан учир тэсрэх төхөөрөмж, яриаг чагнах төхөөрөмж  байрлуулахад хүндрэлтэй байв. «Моссад»  тэднийг өмнө нь  дэлбэлж чадах байсан ч  шинэ авсаархан пейжер бүтээхээр шийдсэн гэнэ.
Apollo брэндийн  өмнөөс Лаванд Израилиас оруулсан  шинэ  пейжерүүдээс тэсрэх бодисыг задлан үзээд ч олох аргагүй байв. Тайванийн брэнд  тэдний нэрийн өмнөөс Хезболлахтай ажиллаж байсныг мэдсэнгүй. 85 орчим  граммын жинтэй пейжерт  илүү  хүчтнэй тэсрэх бодис тавигдсан  гэдгийг хэвлэлийн  зочид ярив.

«Хезболлахад» шинэ төхөөрөмжийг  илүү хүчтэй  зайтай, кабелиас цэнэглэж болох давуу талуудыг санал болгосон  байв.  Тусгай албаныхан  хамгаалалтай мэдээллийг унших  хоёр шатлалын  үйлдлийг бүтээсэн байна.

«Мэдээг уншихын тулд хоёр товчлуурыг зэрэг дарах ёстой. Тэр нь практик дээр хоёр гарын хөдөлгөөнийг шаардана гэсэн үг» хэмээн нэг эх сурвалж нь тайлбарлав. Дэлбэрэлт  хоёр гарыг нь лавтай шархдуулан  хүнийг байлдах чадваргүй болгох ёстой гэсэн үг юм. 

Есдүгээр сарын 17-нд Ливан, Сири даяар хэдэн мянган Apollo  пейжер  чичрэн дуудлага гаргав.«Танд нууцлагдсан мэдээ ирлээ» гэсэн үг араб хэлээр дэлгэцнээ  гарч ирэв. «Хезболлахын» дайчид зааврын дагуу  хоёр товчлуурыг зэрэг даржээ. Үүний улмаас  төхөөрөмжүүд дэлбэрч эхэлсэн байв. Хожим  бусад олон зуун  төхөөрөмжийг  алсын зайнаас удирдан дэлбэлсэн байв гэж WP бичлээ.

Есдүгээр сарын 17-ны анхны цуварсан дэлбэрэлтүүдэд 400 хүн өртөж, хэдэн арав нь амиа алджээ. Al-Hadath мэдээлэхдээ, «Хезболлахын» 500  орчим гишүүд пейжерийн дэлбэрэлтээр  сохорсон гэжээ. «Хезболлах» энэ хэрэг явдалд Израилийг буруутган «хүнд өшөө авалтыг» амлав. Харин Тель-Авив энд хамаагүй гэж байлаа.
 

Эх сурвалж: eadaily.com