Зэвсгийн экспортын салбарын дээд амжилт руу Герман тэмүүлж байна гэж Туркийн Hürriyet сонин бичжээ. Берлин энэ жилийн эхний гурван улиралд 7,2 тэрбум еврогийн зэвсэг, 3,8 тэрбум евроны цэргийн техник төхөөрөмжийг худалджээ. Ингэж Украиныг “идэвхитэй” дэмжиж  гол шалтгаан нь тодорхой болж байна. Немецүүд Украины дайнаас багагүй олз олж буй.

Энэ жилийн нэгдүгээр сараас есөн сар хүртэлх хугацаанд  зэр зэвсэг, цэргийн техник  худалдсан тухай илтгэлээ Германы Эдийн засаг, уур амьсгалын хамгаалалтын яам нийтлүүлжээ. Илтгэлийн дагуу, гурван улирлын дотор Германы засгийн газар гадаад орнуудад 11 тэрбум евроны зэр зэвсэг, цэргийн техникийг худалдахыг  зөвшөөрөн дэмжжээ. Ийнхүү зэвсэг, цэргийн техникийн Германы худалдаа есөн сарын дотор 2023 оны дээд хэмжээний  12,2 тэрбум евро  гэсэн  үзүүлэлтэд ойртон очлоо.
Энэ оны эхний гурван улиралд 7,2 тэрбум еврогийн зэр зэвсэг, 3,8 тэрбум еврогийн  цэргийн техник, төхөөрөмжийг худалдахыг Германы  засгийн газар дэмжжээ. Яамны илтгэлээс харахад Оростой тулалдаж байгаа Украинд бүхнээс илүүтэйгээр зэвсэг  авав. Берлин түүнд 7,1 тэрбум евроны зэвсэг заржээ. 
Украинд зэвсгийн экспорт хийх  Германы засгийн газрын зөвшөөрөлд "Leopard 2" танк, агаарын довтолгооноос хамгаалах "Patriot" системүүд, "Gepard" маягийн зенитийн танкууд, "PzH" гаубица их буунууд, "Stinger" пуужингууд, гар бөмбөгүүд, дуулга малгай багтаж байна. Украины дараа Сингапур (1,2 тэрбум евро), Алжир (558 сая евро), АНУ (246 сая евро), Энэтхэг (212 сая евро) жагсав. Эхний есөн сард засгийн газрын дэмжлэгтэй 11 тэрбум евроны наймааны  87% буюу 9,5 тэрбум нь ЕХ-ны  орнууд НАТО-д  ноогдов.Германд зэвсгийн экспортын  хүрээний хяналтыг Швейцарь, Сингапур, Украин, Япон, Австрали, Өмнөд Солонгос мөн НАТО-гийн орнуудынхыг  хийдэг.